---
title: "വോട്ടെണ്ണൽ: ക്രമസമാധാന പാലനം ഉറപ്പാക്കാൻ നടപടിയുമായി പേരാവൂർ പോലീസ്"
english_title: "Peravoor"
publisher: "malayorashabdam.in"
canonical_url: "https://malayorashabdam.truevisionnews.com/news/356998/peravoor"
published_at: "2026-05-03T12:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69f6ee2063313_police.1697912334.jpg"
keywords: []
---

# വോട്ടെണ്ണൽ: ക്രമസമാധാന പാലനം ഉറപ്പാക്കാൻ നടപടിയുമായി പേരാവൂർ പോലീസ്

> **Lead Summary:** പേരാവൂർ : നിയമസഭ തിരഞ്ഞെടുപ്പിലെ വോട്ടെണ്ണൽ:ക്രമസമാധാന പാലനം ഉറപ്പാക്കാൻ നടപടിയുമായി പേരാവൂർ പോലീസ്.

## Article Content

പേരാവൂർ : നിയമസഭ തിരഞ്ഞെടുപ്പിലെ വോട്ടെണ്ണൽ:ക്രമസമാധാന പാലനം ഉറപ്പാക്കാൻ നടപടിയുമായി പേരാവൂർ പോലീസ്.

നിയമസഭ തിരഞ്ഞെടുപ്പിലെ വോട്ടെണ്ണൽനടക്കാനിരിക്കുന്നതിൻ റെ മുന്നോടിയായി ക്രമസമാധാന പാലനം ഉറപ്പാക്കാൻ , പ്രശ്നങ്ങൾ ഉണ്ടാവാതിരിക്കുന്നതിനായി താഴെപ്പറയുന്ന നിർദേശങ്ങൾ കർശനമായി പാലിക്കേണ്ടതാണന്ന് പേരാവൂർ സർക്കിൾ ഇൻസ്പെക്ടർ അറിയിച്ചു.

വോട്ടെണ്ണൽ കഴിഞ്ഞാൽ രാഷ്ട്രീയപാർട്ടികൾ നടത്തുന്ന ജാഥകൾ,ആഹ് ളാദപ്രകടനങ്ങൾ,,സ്ഥലങ്ങൾ സമയം, പങ്കെടുക്കുന്ന ആളുകളുടെ എണ്ണം എന്നിവ മുൻകൂട്ടി സ്റ്റേഷനിൽ അറിയിക്കണം. വോട്ടെണ്ണൽ വൈകീട്ട് 6 മണിക്ക് ശേഷം ഒരു കാരണവശാലും പ്രകടനം നടത്തുവാൻ പാടില്ല. എല്ലാ പ്രകടനങ്ങളും നേതാക്കളുടെ കർശന നിയന്ത്രണത്തിൽ ആയിരിക്കണം. യാതൊരു കാരണവശാലും പ്രകടനങ്ങളിൽ പടക്കം ഉപയോഗിക്കരുത് . എതിർ പാർട്ടിക്കാരുടെ ഓഫീസുകൾക്ക് മുന്നിലോ, വീട്ടിന് മുന്നിലോ വെച്ചു പടക്കം പൊട്ടിക്കരുത്. ആഹ്ളാദ പ്രകടനങ്ങളുടെ ഭാഗമായി DJ സിസ്റ്റം. ബൈക്ക് റാലി എന്നിവ ഉപയോഗിച്ചാൽ കർശന നിയമ നടപടി സ്വീകരിക്കുന്നതായിരിക്കും. മുൻ കൂട്ടി അനുവാദം വാങ്ങാതെ തുറന്ന വാഹനങ്ങൾ, ഉച്ച ഭാഷിണികൾ എന്നിവ ഉപയോഗിക്കാൻ പാടില്ല. ആഹ് ളാദ പ്രകടനത്തിന്റെ ഭാഗമായി സ്ഥാപിച്ചിട്ടുള്ള മുഴുവൻ പോസ്റ്ററുകളും, ബോർഡുകളും, തോരണങ്ങളും വോട്ടെണ്ണൽ ദിവസം സംഘടനകൾ നീക്കം ചെയ്യേണ്ടതാണ്. ജാഥകളും പ്രകടനങ്ങളും പോലീസിന്റെ നിർദേശാനുസരണം ഗതി മാറ്റുവാനോ നിർത്തിവെക്കുവാനോ സംഘാടകർ തയ്യാറാവണം. കച്ചവടസ്ഥാപനങ്ങൾ രാത്രി പ്രവർത്തിപ്പിക്കുവാൻ പാടുള്ളതല്ല. തിങ്കളാഴ്ച്ച രാത്രി 10 മണിക്ക് ശേഷം കടകൾ പ്രവർത്തിപ്പിക്കാൻ പാടില്ലെന്നും പേരാവൂർ പോലീസ് സ്റ്റേഷൻ ഹൗസ് ഓഫീസർ അറിയിച്ചു.

### Related Links & Sources
- [Original Story Source](https://malayorashabdam.truevisionnews.com/news/356998/peravoor)