---
title: "കാസർഗോഡ് മുതൽ തിരുവനന്തപുരം വരെ പരശുറാം എക്സ്പ്രസ്സിൽ പരിസ്ഥിതി സന്ദേശ യാത്രയുമായി യുവകലാസാഹിതി"
english_title: "Kaserkod"
publisher: "malayorashabdam.in"
canonical_url: "https://malayorashabdam.truevisionnews.com/news/363988/kaserkod"
published_at: "2026-06-05T12:36:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a2275aee87cb_1000108853.jpg"
keywords: []
---

# കാസർഗോഡ് മുതൽ തിരുവനന്തപുരം വരെ പരശുറാം എക്സ്പ്രസ്സിൽ പരിസ്ഥിതി സന്ദേശ യാത്രയുമായി യുവകലാസാഹിതി

> **Lead Summary:** കണ്ണൂർ: പരിസ്ഥിതി ദിനത്തിൽ വേറിട്ട പ്രചാരണ ക്യാമ്പയിൻ സംഘടിപ്പിച്ച് യുവകലാസാഹിതി സംസ്ഥാന കമ്മിറ്റി. കാസർഗോഡ് മുതൽ തിരുവനന്തപുരം വരെ പരശുറാം എക്സ്പ്രസ്സിൽ. ഇനി വരുന്നൊരു തലമുറയ്ക്ക് ' എന്ന മുദ്രാവാക്യവുമായി പരിസ്ഥിതി സന്ദേശ യാത്രയാണ് നടത്തിയത്.

## Article Content

കണ്ണൂർ: പരിസ്ഥിതി ദിനത്തിൽ വേറിട്ട പ്രചാരണ ക്യാമ്പയിൻ സംഘടിപ്പിച്ച് യുവകലാസാഹിതി സംസ്ഥാന കമ്മിറ്റി. കാസർഗോഡ് മുതൽ തിരുവനന്തപുരം വരെ പരശുറാം എക്സ്പ്രസ്സിൽ. ഇനി വരുന്നൊരു തലമുറയ്ക്ക് ' എന്ന മുദ്രാവാക്യവുമായി പരിസ്ഥിതി സന്ദേശ യാത്രയാണ് നടത്തിയത്.

സംസ്ഥാന പ്രസിഡന്റ് ആലങ്കോട് ലീലാകൃഷ്ണൻ, ജനറൽ സെക്രട്ടറി ഡോ. ഒ കെ മുരളീകൃഷ്‌ണൻ എന്നിവരുടെ നേതൃത്വത്തിൽ കാസർഗോഡ് നിന്ന് വെള്ളിയാഴ്ച രാവിലെ തുടങ്ങിയ യാത്രയിൽ എഴുത്തുകാരും പരിസ്ഥിതി പ്രവർത്തകരും പങ്കാളികളായി. പയ്യന്നൂർ, പഴയങ്ങാടി, കണ്ണപുരം, കണ്ണൂർ, തലശേരി റെയിൽവേ സ്റ്റേഷനുകളിൽ ലഘുലേഖ വിതരണം, പരിസ്ഥിതി സന്ദേശ കൂട്ടായ്മ എന്നിവ നടത്തി.

കഥാകൃത്ത് വി എസ് അനിൽകുമാർ, കവി മാധവൻ പുറച്ചേരി,കഥാകൃത്ത് കെ ടി ബാബുരാജ്,ഒ കെ മുരളികൃഷ്ണൻ,വി കെ സുരേഷ്ബാബു, അഷ്‌റഫ്‌ പുറവട്ടൂർ, ജിതേഷ് കണ്ണപുരം,പപ്പൻ കുഞ്ഞിമംഗലം,എൻ സി നമിത, രേഷ്മ പരാഗൻ തുടങ്ങിയവർ ട്രെയിനിലെ യാത്രക്കാരോട് സംസാരിച്ചു.

തലശേരിയിൽ സിപിഐ സംസ്ഥാന എക്സി. അംഗം സി എൻ ചന്ദ്രൻ, സംസ്ഥാന കൗൺസിൽ അംഗം സി പി ഷൈജൻ, യുവകലാസാഹിതി ജില്ലാ പ്രസിഡന്റ് ഷിജിത്ത് വായന്നൂർ, അഡ്വ എം എസ് നിഷാദ്, സി ഗിരീശൻ,സി എൻ ഗംഗാധരൻ,അഡ്വ എം ശ്രീശൻ, കണ്ണൂരിൽ സിപിഐ ജില്ലാ സെക്രട്ടറി സി പി സന്തോഷ്‌ കുമാർ, വിജയൻ നണിയൂർ, എൻ ഉഷ,കൊറ്റിയത്ത് സദാനന്ദൻ, രമേശൻ നണിയൂർ പയ്യന്നൂരിൽ കെ വി ബാബു,വി ബാലൻ,വി എസ് പ്രദീപ്‌,കെ കെ കൃഷ്ണൻ തുടങ്ങിയവർ യാത്രയെ സ്വീകരിച്ചു. പരശുറാം ഡി 2 കമ്പാർട്ട്മെന്റ് ആണ് ക്യാമ്പയിൻ കേന്ദ്രമായി പ്രവർത്തകർ പങ്കെടുത്തത്.

### Related Links & Sources
- [Original Story Source](https://malayorashabdam.truevisionnews.com/news/363988/kaserkod)