---
title: "ആലപ്പുഴയിൽ യുവാവിനെ ബന്ധു കുത്തിക്കൊന്നു"
english_title: "Man Stabbed to Death by Relative in Alappuzha Over Alleged Affair"
publisher: "malayorashabdam.in"
canonical_url: "https://malayorashabdam.truevisionnews.com/news/372050/man-stabbed-to-death-by-relative-in-alappuzha-over-alleged-affair"
published_at: "2026-07-13T05:10:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a54260b22516_1000171495.jpg"
keywords: []
---

# ആലപ്പുഴയിൽ യുവാവിനെ ബന്ധു കുത്തിക്കൊന്നു

> **Lead Summary:** ആലപ്പുഴ: ആലപ്പുഴയിൽ ഭാര്യയുമായുള്ള ബന്ധം ആരോപിച്ച് യുവാവിനെ ബന്ധു കുത്തിക്കൊന്നു. മംഗലം സ്വദേശി മനീഷ് ആണ് കൊല്ലപ്പെട്ടത്. ബന്ധുവായ റോബിൻ ആണ് മനീഷിനെ കുത്തി കൊലപ്പെടുത്തിയത്.

## Article Content

ആലപ്പുഴ: ആലപ്പുഴയിൽ ഭാര്യയുമായുള്ള ബന്ധം ആരോപിച്ച് യുവാവിനെ ബന്ധു കുത്തിക്കൊന്നു. മംഗലം സ്വദേശി മനീഷ് ആണ് കൊല്ലപ്പെട്ടത്. ബന്ധുവായ റോബിൻ ആണ് മനീഷിനെ കുത്തി കൊലപ്പെടുത്തിയത്.

റോബിന്റെ ഭാര്യയുമായി മനീഷിന് അവിഹിത ബന്ധമുണ്ടെന്ന് സംശയിച്ചാണ് കൊലപാതകം നടത്തിയതെന്ന് പോലീസ് പറഞ്ഞു. ഏറെ നാളുകളായി റോബിനും ഭാര്യയും തമ്മിൽ അകൽച്ചയിലായിരുന്നു. ഇതിനിടയിലാണ് മനീഷും റോബിന്റെ ഭാര്യയും തമ്മിൽ അടുപ്പത്തിലായതെന്ന് റോബിൻ സംശയിച്ചത്.

ഇന്നലെ രാത്രിയാണ് സംഭവം. ഇരുവരും തമ്മിൽ വാക്കേറ്റമുണ്ടാവുകയും തുടർന്ന് റോബിൻ കത്തിയെടുത്ത് മനീഷിനെ കുത്തുകയുമായിരുന്നു. ഗുരുതരമായി പരുക്കേറ്റ മനീഷിനെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

സംഭവമറിഞ്ഞ് സ്ഥലത്തെത്തിയ ആലപ്പുഴ പോലീസ് റോബിനെ കസ്റ്റഡിയിലെടുത്തു. പ്രതിയെ ചോദ്യം ചെയ്ത് വരികയാണ്. കൊലപാതകത്തിനുള്ള ആയുധമായ കത്തിയും പോലീസ് കണ്ടെടുത്തിട്ടുണ്ട്.

മനീഷിന്റെ മൃതദേഹം പോസ്റ്റ്മോർട്ടത്തിനായി ആലപ്പുഴ മെഡിക്കൽ കോളേജ് ആശുപത്രിയിലേക്ക് മാറ്റി. സംഭവത്തിൽ അസ്വാഭാവിക മരണത്തിന് കേസെടുത്ത് പോലീസ് അന്വേഷണം ആരംഭിച്ചു. നാട്ടിൽ വലിയ ഞെട്ടലാണ് ഈ കൊലപാതകം ഉണ്ടാക്കിയിരിക്കുന്നത്.

### Related Links & Sources
- [Original Story Source](https://malayorashabdam.truevisionnews.com/news/372050/man-stabbed-to-death-by-relative-in-alappuzha-over-alleged-affair)