---
title: "മാനന്തവാടി- വിമാനത്താവളം റോഡ്: സ്ഥലം ഏറ്റെടുക്കൽ വേഗത്തിലാക്കാൻ കളക്ടറുടെ നിർദേശം"
english_title: "Mananthavady Airport Road Land Acquisition Fast-Tracked, Collector Issues Directives"
publisher: "malayorashabdam.in"
canonical_url: "https://malayorashabdam.truevisionnews.com/news/373554/mananthavady-airport-road-land-acquisition-kannur-collector"
published_at: "2026-07-20T16:42:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5e02d0dda6e_1000222180.jpg"
keywords: ["Mananthavady Airport Road", "Land Acquisition", "KRFB", "P Vishnuraj"]
---

# മാനന്തവാടി- വിമാനത്താവളം റോഡ്: സ്ഥലം ഏറ്റെടുക്കൽ വേഗത്തിലാക്കാൻ കളക്ടറുടെ നിർദേശം

> **Lead Summary:** **കണ്ണൂർ: **മാനന്തവാടി- ബോയ്സ് ടൗൺ- പേരാവൂർ- ശിവപുരം- മട്ടന്നൂർ വിമാനത്താവളം റോഡിന്റെ സ്ഥലം ഏറ്റെടുക്കൽ പ്രവർത്തനങ്ങൾ വേഗത്തിലാക്കാൻ ജില്ലാ കളക്ടർ പി. വിഷ്ണുരാജ് നിർദേശം നൽകി.

## Article Content

**കണ്ണൂർ: **മാനന്തവാടി- ബോയ്സ് ടൗൺ- പേരാവൂർ- ശിവപുരം- മട്ടന്നൂർ വിമാനത്താവളം റോഡിന്റെ സ്ഥലം ഏറ്റെടുക്കൽ പ്രവർത്തനങ്ങൾ വേഗത്തിലാക്കാൻ ജില്ലാ കളക്ടർ പി. വിഷ്ണുരാജ് നിർദേശം നൽകി.

കളക്ട്രേറ്റിൽ ചേർന്ന യോഗത്തിൽ അധ്യക്ഷത വഹിക്കുകയായിരുന്നു അദ്ദേഹം. റോഡ് കടന്നുപോകുന്ന സ്ഥലത്തെ കെട്ടിടങ്ങളുടെയും മരങ്ങളുടെയും കണക്കെടുത്ത് മഹസർ തയ്യാറാക്കുന്നതിനും വിലനിർണയം നടത്തുന്നതിനും സമയബന്ധിതമായി നടപടികൾ പൂർത്തിയാക്കണമെന്ന് കളക്ടർ ഉദ്യോഗസ്ഥർക്ക് നിർദേശം നൽകി.

ഇതിനായി നിലവിലുള്ള ഉദ്യോഗസ്ഥർക്ക് പുറമെ കൂടുതൽ പേരെ നിയോഗിക്കും. സർവെ നടപടികൾ ത്വരിതപ്പെടുത്തുന്നതിന് കൂടുതൽ ക്രമീകരണങ്ങൾ ഏർപ്പെടുത്താനും തീരുമാനിച്ചു. സർവെയുടെ ഭാഗമായി കൂടുതൽ ഉപകരണങ്ങളും ജീവനക്കാരെയും ലഭ്യമാക്കും.

ഡിജിറ്റൽ സർവെ പൂർത്തിയായ വില്ലേജുകളിൽ സർവെ വിഭാഗവുമായി ഏകോപിപ്പിച്ച് നടപടികൾ വേഗത്തിലാക്കും. കെ.ആർ.എഫ്.ബിയുമായി ചേർന്ന് റോഡ് കടന്നുപോകുന്ന ഭാഗങ്ങളിൽ സംയുക്ത പരിശോധന നടത്താനും യോഗം തീരുമാനിച്ചു.

എത്രയും വേഗം സ്ഥലം ഏറ്റെടുക്കൽ നടപടികൾ പൂർത്തിയാക്കി റോഡ് നിർമാണത്തിനായി സ്ഥലം കൈമാറാൻ കഴിയണമെന്ന് ജില്ലാ കളക്ടർ അറിയിച്ചു. മാനന്തവാടിയെ മട്ടന്നൂർ വിമാനത്താവളവുമായി ബന്ധിപ്പിക്കുന്ന ഈ റോഡ് പൂർത്തിയാകുന്നതോടെ വടക്കൻ കേരളത്തിലെ ഗതാഗത സൗകര്യം വലിയ തോതിൽ മെച്ചപ്പെടും.

യോഗത്തിൽ റവന്യു, സർവെ ഉൾപ്പെടെയുള്ള വിവിധ വകുപ്പുകളിലെ ഉന്നത ഉദ്യോഗസ്ഥർ പങ്കെടുത്തു.

### Related Links & Sources
- [Original Story Source](https://malayorashabdam.truevisionnews.com/news/373554/mananthavady-airport-road-land-acquisition-kannur-collector)