---
title: "അസം പ്രളയം: മരണം 62 ആയി, 7 ലക്ഷം പേരെ ബാധിച്ചു, 810 ഗ്രാമങ്ങൾ വെള്ളത്തിനടിയിൽ"
english_title: "Assam Floods Death Toll Rises to 62, Over 7 Lakh Affected, PM Modi Reviews Situation"
publisher: "malayorashabdam.in"
canonical_url: "https://malayorashabdam.truevisionnews.com/news/374723/assam-floods-death-toll-62-7-lakh-affected"
published_at: "2026-07-26T14:31:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a65cd2416391_1000223207.jpg"
keywords: ["Assam Floods", "Flood Death Toll", "Assam Disaster"]
---

# അസം പ്രളയം: മരണം 62 ആയി, 7 ലക്ഷം പേരെ ബാധിച്ചു, 810 ഗ്രാമങ്ങൾ വെള്ളത്തിനടിയിൽ

> **Lead Summary:** **അസം: **അസമിൽ പ്രളയക്കെടുതി രൂക്ഷം. സംസ്ഥാനത്ത് ഇതുവരെ 62 പേരുടെ മരണം റിപ്പോർട്ട് ചെയ്തു. കഴിഞ്ഞ 24 മണിക്കൂറിനിടെ മാത്രം 14 പേരാണ് മരിച്ചത്.

## Article Content

**അസം: **അസമിൽ പ്രളയക്കെടുതി രൂക്ഷം. സംസ്ഥാനത്ത് ഇതുവരെ 62 പേരുടെ മരണം റിപ്പോർട്ട് ചെയ്തു. കഴിഞ്ഞ 24 മണിക്കൂറിനിടെ മാത്രം 14 പേരാണ് മരിച്ചത്.

9 ജില്ലകളിലായി ഏഴു ലക്ഷത്തോളം പേരെയാണ് പ്രളയം ബാധിച്ചത്. വെള്ളിയാഴ്ച 9 ജില്ലകളിലായി 7.05 ലക്ഷം പേരും ശനിയാഴ്ച 6 ജില്ലകളിലായി 6,54,800 പേരും മഴക്കെടുതി നേരിട്ടു. ചരൈദിയോ, ദിബ്രുഗഡ്, ഗോലഘട്ട്, ജോർഹട്ട്, നാഗോൺ, ശിവസാഗർ എന്നീ ജില്ലകളാണ് ഏറ്റവും കൂടുതൽ ബാധിക്കപ്പെട്ടത്.

പ്രളയത്തിൽ ഏറ്റവും കൂടുതൽ ദുരിതം നേരിടുന്നത് ശിവസാഗർ ജില്ലയാണ്. ഇവിടെ 2.9 ലക്ഷത്തോളം പേർ വെള്ളപ്പൊക്കത്തിൽ കുടുങ്ങി. ചരൈദിയോയിൽ 1.9 ലക്ഷം പേരും ജോർഹട്ടിൽ 1.3 ലക്ഷത്തിലധികം പേരും ദുരിതത്തിലാണ്.

അസം ദുരന്തനിവാരണ അതോറിറ്റിയുടെ കണക്കനുസരിച്ച് 6 ജില്ലകളിലായി 274 ദുരിതാശ്വാസ ക്യാമ്പുകളും വിതരണ കേന്ദ്രങ്ങളും പ്രവർത്തിക്കുന്നുണ്ട്. ഇതുവഴി 18,902 പേർക്ക് സഹായം എത്തിച്ചു.

810 ഗ്രാമങ്ങൾ ഇപ്പോഴും വെള്ളത്തിനടിയിലാണ്. 34,970.8 ഹെക്ടർ കൃഷിഭൂമി നശിച്ചു. ബണ്ടുകൾ, റോഡുകൾ, പാലങ്ങൾ, അടിസ്ഥാന സൗകര്യങ്ങൾ എന്നിവയ്ക്കും വലിയ നാശനഷ്ടമുണ്ടായി.

സംസ്ഥാനത്തെ സാഹചര്യം പ്രധാനമന്ത്രി നരേന്ദ്രമോദി വിലയിരുത്തി.

### Related Links & Sources
- [Original Story Source](https://malayorashabdam.truevisionnews.com/news/374723/assam-floods-death-toll-62-7-lakh-affected)