---
title: "ആലപ്പുഴയിൽ സിപിഎം കൂട്ടുകെട്ട് അവസാനിപ്പിക്കണമെന്ന് ജി സുധാകരൻ; രമേശ് ചെന്നിത്തലയുടെ പിന്തുണ"
english_title: "G Sudhakaran Slams CPM-Congress Nexus in Alappuzha, Ramesh Chennithala Backs MLA"
publisher: "malayorashabdam.in"
canonical_url: "https://malayorashabdam.truevisionnews.com/news/374727/alappuzha-g-sudhakaran-ramesh-chennithala-cpm-criticism"
published_at: "2026-07-26T14:45:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a65d046551d8_1000223214.jpg"
keywords: ["G Sudhakaran", "Congress", "LDF Councillors"]
---

# ആലപ്പുഴയിൽ സിപിഎം കൂട്ടുകെട്ട് അവസാനിപ്പിക്കണമെന്ന് ജി സുധാകരൻ; രമേശ് ചെന്നിത്തലയുടെ പിന്തുണ

> **Lead Summary:** **ആലപ്പുഴ: **പൊതുവേദിയിൽ ആഭ്യന്തരമന്ത്രി രമേശ് ചെന്നിത്തലയെ സാക്ഷിയാക്കി അമ്പലപ്പുഴ എംഎൽഎ ജി. സുധാകരൻ കടുത്ത വിമർശനം ഉന്നയിച്ചു.

## Article Content

**ആലപ്പുഴ: **പൊതുവേദിയിൽ ആഭ്യന്തരമന്ത്രി രമേശ് ചെന്നിത്തലയെ സാക്ഷിയാക്കി അമ്പലപ്പുഴ എംഎൽഎ ജി. സുധാകരൻ കടുത്ത വിമർശനം ഉന്നയിച്ചു.

സിപിഎം നേതൃത്വത്തിനും എൽഡിഎഫ് കൗൺസിലർമാർക്കുമെതിരെയായിരുന്നു ആരോപണം. ആലപ്പുഴ നഗരസഭയിലെ എൽഡിഎഫ് കൗൺസിലർമാർ തനിക്കെതിരെ ഗൂഢാലോചന നടത്തുകയാണെന്ന് സുധാകരൻ തുറന്നടിച്ചു.

നഗരസഭയിൽ തനിക്കെതിരെ പ്രതിഷേധമുണ്ടാകാൻ സാധ്യതയുണ്ടെന്ന് മുൻകൂട്ടി അറിഞ്ഞിട്ടും ആ വിവരം അറിയിക്കാത്തതിൽ ആഭ്യന്തര വകുപ്പിന് കീഴിലുള്ള പോലീസിന് വീഴ്ചയുണ്ടായെന്നും അദ്ദേഹം പറഞ്ഞു. രമേശ് ചെന്നിത്തല വേദിയിലിരിക്കെയായിരുന്നു വിമർശനം.

കൂടാതെ സിപിഎമ്മുമായി കോൺഗ്രസ് നടത്തുന്ന കൂട്ടുകെട്ട് അവസാനിപ്പിക്കണമെന്നും ഇത്തരം 'കൂട്ടുകച്ചവടങ്ങൾ' വലിയ അഴിമതികൾക്ക് വഴിയൊരുക്കുമെന്നും സുധാകരൻ കുറ്റപ്പെടുത്തി.

എന്നാൽ ജി. സുധാകരന് പൂർണ പിന്തുണ പ്രഖ്യാപിച്ചാണ് ആഭ്യന്തരമന്ത്രി രമേശ് ചെന്നിത്തല മറുപടി നൽകിയത്. ജനങ്ങൾ തിരഞ്ഞെടുത്ത മുതിർന്ന നേതാവിനെ കരിങ്കൊടി കാണിക്കുകയും അധിക്ഷേപിക്കുകയും ചെയ്യുന്നത് ജനാധിപത്യപരമായ നടപടിയല്ലെന്ന് ചെന്നിത്തല പറഞ്ഞു.

### Related Links & Sources
- [Original Story Source](https://malayorashabdam.truevisionnews.com/news/374727/alappuzha-g-sudhakaran-ramesh-chennithala-cpm-criticism)