---
title: "പൊള്ളലേറ്റ് ഒരു മാസത്തോളം ചികിത്സ, പിന്നാലെ ന്യുമോണിയ ബാധിച്ചു; രണ്ടാം ക്ലാസുകാരിക്ക് ദാരുണാന്ത്യം"
english_title: "Second Class Student Dies After Burn Injury Pneumonia Manjeri Kozhikode"
publisher: "malayorashabdam.in"
canonical_url: "https://malayorashabdam.truevisionnews.com/news/380431/second-class-student-burn-injury-pneumonia-death-manjeri"
published_at: "2026-08-30T16:00:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a94068261fb7_1000231411.jpg"
keywords: ["Student Death", "Burn Injury", "Kozhikode Medical College", "Pneumonia"]
---

# പൊള്ളലേറ്റ് ഒരു മാസത്തോളം ചികിത്സ, പിന്നാലെ ന്യുമോണിയ ബാധിച്ചു; രണ്ടാം ക്ലാസുകാരിക്ക് ദാരുണാന്ത്യം

> **Lead Summary:** **മഞ്ചേരി: **ഗുരുതരമായി പൊള്ളലേറ്റ് ചികിത്സയിലായിരുന്ന രണ്ടാം ക്ലാസ് വിദ്യാർത്ഥിനി ന്യുമോണിയ ബാധയെ തുടർന്ന് മരിച്ചു. മഞ്ചേരി തൃക്കലങ്ങോട് സ്വദേശി സുനീഷിന്റെ മകൾ അവനി ആണ് മരിച്ചത്.

## Article Content

**മഞ്ചേരി: **ഗുരുതരമായി പൊള്ളലേറ്റ് ചികിത്സയിലായിരുന്ന രണ്ടാം ക്ലാസ് വിദ്യാർത്ഥിനി ന്യുമോണിയ ബാധയെ തുടർന്ന് മരിച്ചു. മഞ്ചേരി തൃക്കലങ്ങോട് സ്വദേശി സുനീഷിന്റെ മകൾ അവനി ആണ് മരിച്ചത്.

കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് മരണം. ആമയൂർ എ.എൽ.പി സ്കൂളിലെ രണ്ടാം ക്ലാസ് വിദ്യാർത്ഥിനിയാണ് അവനി.

രണ്ടു മാസം മുൻപാണ് കുട്ടിയുടെ വസ്ത്രത്തിലേക്ക് ദീപം തെളിക്കുന്നതിനിടെ തീ പടർന്ന് ഗുരുതരമായി പൊള്ളലേറ്റത്. തുടർന്ന് കോഴിക്കോട് മെഡിക്കൽ കോളേജിൽ ചികിത്സയിലായിരുന്നു കുട്ടി. മൂന്നാഴ്ച മുൻപ് ആരോഗ്യനില മെച്ചപ്പെട്ടതിനെ തുടർന്ന് ആശുപത്രി വിട്ട് വീട്ടിലെത്തിയിരുന്നു. എന്നാൽ പിന്നീട് പെട്ടെന്നുണ്ടായ ന്യുമോണിയ ബാധയെ തുടർന്ന് വീണ്ടും മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. തുടർന്ന് ആരോഗ്യനില വഷളായി മരണം സംഭവിച്ചു.ജിൻഷിയാണ് മാതാവ്. അമയ് മഹാദേവ് സഹോദരനാണ്.

---

### Related Links & Sources
- [Original Story Source](https://malayorashabdam.truevisionnews.com/news/380431/second-class-student-burn-injury-pneumonia-death-manjeri)