---
title: "ലഹരിക്കെതിരെ കൈകോർത്ത് അമ്മമാർ; തൂഫാൻ തദ്ദേശം പദ്ധതിക്ക് പിന്തുണയുമായി എ ആർ നഗറിൽ പദയാത്ര"
english_title: "AR Nagar Mothers Foot March Against Drugs Toofan Thadesam Operation Toofan Support"
publisher: "malayorashabdam.in"
canonical_url: "https://malayorashabdam.truevisionnews.com/news/384388/ar-nagar-mothers-foot-march-against-drugs-toofan-thadesam-operation-toofan-support"
published_at: "2026-09-27T11:22:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ab8afa72d384_1000314832.jpg"
keywords: ["Thofan", "Malappuram"]
---

# ലഹരിക്കെതിരെ കൈകോർത്ത് അമ്മമാർ; തൂഫാൻ തദ്ദേശം പദ്ധതിക്ക് പിന്തുണയുമായി എ ആർ നഗറിൽ പദയാത്ര

> **Lead Summary:** **മലപ്പുറം**: ലഹരി വ്യാപനത്തിനെതിരെ ആഭ്യന്തര വകുപ്പ് നടപ്പിലാക്കുന്ന 'ഓപ്പറേഷൻ തൂഫാൻ: ദി നാർക്കോ ഹണ്ട്' കാമ്പയിന്റെ രണ്ടാം ഘട്ടമായ 'തൂഫാൻ തദ്ദേശം' പദ്ധതിക്ക് ഐക്യദാർഢ്യം പ്രഖ്യാപിച്ച് അബ്ദുറഹിമാൻ നഗറിൽ അമ്മമാരുടെ പദയാത്ര.

## Article Content

**മലപ്പുറം**: ലഹരി വ്യാപനത്തിനെതിരെ ആഭ്യന്തര വകുപ്പ് നടപ്പിലാക്കുന്ന 'ഓപ്പറേഷൻ തൂഫാൻ: ദി നാർക്കോ ഹണ്ട്' കാമ്പയിന്റെ രണ്ടാം ഘട്ടമായ 'തൂഫാൻ തദ്ദേശം' പദ്ധതിക്ക് ഐക്യദാർഢ്യം പ്രഖ്യാപിച്ച് അബ്ദുറഹിമാൻ നഗറിൽ അമ്മമാരുടെ പദയാത്ര.

'അമ്മച്ചുവടുകൾ ലഹരിക്കെതിരെ' എന്ന പേരിൽ അബ്ദുറഹിമാൻ നഗർ ഗ്രാമപഞ്ചായത്തിലാണ് ലഹരിക്കെതിരെയുള്ള ശക്തമായ ജനകീയ മുന്നറിയിപ്പുമായി അമ്മമാർ അണിനിരന്നത്. സംസ്ഥാനത്തെ ഓരോ തദ്ദേശ സ്വയംഭരണ സ്ഥാപനങ്ങളിലും വാർഡ് തല സമിതികൾ രൂപീകരിച്ച് ലഹരിക്കെതിരെ പ്രതിരോധം തീർക്കുന്ന വിപുലമായ ജനകീയ പദ്ധതിയാണ് 'തൂഫാൻ തദ്ദേശം'.

ഇതിന്റെ ഭാഗമായി നടന്ന പദയാത്ര ഗ്രാമപഞ്ചായത്ത് പ്രസിഡന്റ് ലൈല പുല്ലൂണി ഉദ്ഘാടനം ചെയ്തു. വൈസ് പ്രസിഡന്റ് മുസ്തഫ പുളളശ്ശേരി അധ്യക്ഷത വഹിച്ചു.

ലഹരിമുക്ത നാളേയ്ക്കായി നാടിന്റെ കാവലാളുകളാകാൻ അമ്മമാർ പ്രതിജ്ഞയെടുത്ത യാത്രയിൽ പഞ്ചായത്തിലെ വിവിധ വാർഡുകളിൽ നിന്നായി നൂറുകണക്കിന് സ്ത്രീകളും ജനപ്രതിനിധികളും പങ്കെടുത്തു.

### Related Links & Sources
- [Original Story Source](https://malayorashabdam.truevisionnews.com/news/384388/ar-nagar-mothers-foot-march-against-drugs-toofan-thadesam-operation-toofan-support)