---
title: "സംസ്ഥാനത്ത് നാളെ മുതൽ ഒക്ടോബർ 3 വരെ ശക്തമായ മഴയ്ക്ക് സാധ്യത; കാറ്റ് മുന്നറിയിപ്പും"
english_title: "Kerala Heavy Rain Alert Till October 3 Thunderstorm Strong Wind IMD Warning"
publisher: "malayorashabdam.in"
canonical_url: "https://malayorashabdam.truevisionnews.com/news/384675/kerala-heavy-rain-alert-till-october-3-thunderstorm-strong-wind-imd-warning"
published_at: "2026-09-29T12:39:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6abb646364470_images_(1).jpeg"
keywords: ["Kerala Rain Alert", "IMD Warning", "Heavy Rain Kerala", "Thunderstorm"]
---

# സംസ്ഥാനത്ത് നാളെ മുതൽ ഒക്ടോബർ 3 വരെ ശക്തമായ മഴയ്ക്ക് സാധ്യത; കാറ്റ് മുന്നറിയിപ്പും

> **Lead Summary:** **തിരുവനന്തപുരം**: സംസ്ഥാനത്ത് നാളെ മുതൽ ഒക്ടോബർ മൂന്ന് വരെ ഒറ്റപ്പെട്ട ഇടങ്ങളിൽ ഇടിയോട് കൂടിയ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകി.

## Article Content

**തിരുവനന്തപുരം**: സംസ്ഥാനത്ത് നാളെ മുതൽ ഒക്ടോബർ മൂന്ന് വരെ ഒറ്റപ്പെട്ട ഇടങ്ങളിൽ ഇടിയോട് കൂടിയ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകി.

ഇന്ന് മുതൽ സംസ്ഥാനത്ത് ഇടിമിന്നലോട് കൂടിയ മഴയ്ക്കും മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്നാണ് മുന്നറിയിപ്പിൽ പറയുന്നത്. കാലവർഷം വീണ്ടും സജീവമാകുന്ന സാഹചര്യത്തിലാണ് കാലാവസ്ഥാ വകുപ്പിന്റെ ജാഗ്രതാ നിർദേശം.

ഒറ്റപ്പെട്ട സ്ഥലങ്ങളിൽ ശക്തമായ മഴ ലഭിക്കാൻ സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണമെന്ന് അധികൃതർ അറിയിച്ചു. മത്സ്യത്തൊഴിലാളികൾക്കും കാറ്റ് മുന്നറിയിപ്പ് ബാധകമാണ്.

തുടർച്ചയായി മഴ ലഭിക്കുന്ന മലയോര മേഖലകളിലും താഴ്ന്ന പ്രദേശങ്ങളിലും ജാഗ്രത തുടരണമെന്നും കാലാവസ്ഥാ വകുപ്പ് അറിയിച്ചു. അടുത്ത ദിവസങ്ങളിൽ മഴ കൂടുതൽ ശക്തമാകാൻ സാധ്യതയുള്ളതിനാൽ ഔദ്യോഗിക മുന്നറിയിപ്പുകൾ ശ്രദ്ധിക്കണമെന്നും അധികൃതർ വ്യക്തമാക്കി.

### Related Links & Sources
- [Original Story Source](https://malayorashabdam.truevisionnews.com/news/384675/kerala-heavy-rain-alert-till-october-3-thunderstorm-strong-wind-imd-warning)