---
title: "വെട്രി പയണത്തിന് തുടക്കം; സ്ത്രീകൾക്ക് സൗജന്യ യാത്ര പദ്ധതിയുമായി തമിഴ്നാട് സർക്കാർ"
english_title: "Vetri Payanam Free Bus Travel Women Tamil Nadu Government CM C Joseph Vijay Koyambedu Terminal Launch"
publisher: "malayorashabdam.in"
canonical_url: "https://malayorashabdam.truevisionnews.com/news/385162/vetri-payanam-free-travel-women-tamil-nadu-government-joseph-vijay-launch"
published_at: "2026-10-02T13:54:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6abf6a76bf56c_1000237412.jpg"
keywords: ["Vetri Payanam Free Travel Women Tamil Nadu", "CM C Joseph Vijay Koyambedu Bus Terminal"]
---

# വെട്രി പയണത്തിന് തുടക്കം; സ്ത്രീകൾക്ക് സൗജന്യ യാത്ര പദ്ധതിയുമായി തമിഴ്നാട് സർക്കാർ

> **Lead Summary:** **ചെന്നൈ: **തമിഴ്നാട് സർക്കാർ സ്ത്രീകൾക്കായി നടപ്പാക്കുന്ന വിപുലീകരിച്ച സൗജന്യ യാത്രാ പദ്ധതി വെട്രി പയണം ആരംഭിച്ചു. കോയമ്പേട് ബസ് ടെർമിനലിൽ മുഖ്യമന്ത്രി സി ജോസഫ് വിജയ് പദ്ധതി ഉദ്ഘാടനം ചെയ്തു. സംസ്ഥാനത്തുടനീളം പ്രതിദിനം 84.32 ലക്ഷം സ്ത്രീകൾക്കാണ് പദ്ധതികൊണ്ട് ഗുണം ലഭിക്കുക.

## Article Content

**ചെന്നൈ: **തമിഴ്നാട് സർക്കാർ സ്ത്രീകൾക്കായി നടപ്പാക്കുന്ന വിപുലീകരിച്ച സൗജന്യ യാത്രാ പദ്ധതി വെട്രി പയണം ആരംഭിച്ചു. കോയമ്പേട് ബസ് ടെർമിനലിൽ മുഖ്യമന്ത്രി സി ജോസഫ് വിജയ് പദ്ധതി ഉദ്ഘാടനം ചെയ്തു. സംസ്ഥാനത്തുടനീളം പ്രതിദിനം 84.32 ലക്ഷം സ്ത്രീകൾക്കാണ് പദ്ധതികൊണ്ട് ഗുണം ലഭിക്കുക.

പ്രത്യേക ബസുകളിൽ മാത്രമായി പരിമിതപ്പെടുത്തിയിരുന്ന സൗജന്യയാത്രയാണ് ഇന്നുമുതൽ എക്സ്പ്രസ്, ലിമിറ്റഡ് സ്റ്റോപ്പ്, ഡീലക്സ്, മൊഫ്യൂസൽ ബസ് എന്നിവയിലേയ്ക്ക് വ്യാപിപ്പിച്ചത്.

സംസ്ഥാനത്തെ ഏഴ് ട്രാൻസ്പോർട്ട് കോർപ്പറേഷനുകൾക്ക് കീഴിലുള്ള 12,692 ബസുകളിലാണ് സ്ത്രീകൾക്കും ട്രാൻസ് ജെൻഡേഴ്സിനും ഇനി സൗജന്യമായി യാത്ര ചെയ്യാനാകുക. യാത്രയ്ക്ക് വരുമാന പരിധിയോ പ്രതിദിന യാത്രാ പരിധിയോ ഇല്ല.

തമിഴക വെട്രി കഴകം സർക്കാരിന്റെ പ്രധാന തിരഞ്ഞെടുപ്പ് വാഗ്ദാനങ്ങളിൽ ഒന്നായിരുന്നു വെട്രി പയണം. തായ്മാമൻ തങ്കമോതിരം പദ്ധതി, സ്കൂളുകളിലെ പ്രഭാത ഭക്ഷണ പരിപാടി തുടങ്ങിയവയ്ക്ക് പിന്നാലെയാണ് സ്ത്രീകളുടെ സൗജന്യയാത്ര പദ്ധതി വിപുലീകരിച്ചത്. പ്രതിവർഷം ആറായിരം കോടിയോളം രൂപയാണ് സംസ്ഥാന സർക്കാർ പദ്ധതിയ്ക്കായി നീക്കിവെക്കേണ്ടി വരിക.

### Related Links & Sources
- [Original Story Source](https://malayorashabdam.truevisionnews.com/news/385162/vetri-payanam-free-travel-women-tamil-nadu-government-joseph-vijay-launch)