---
title: "അഭിജിത് ദീപ്‍കെയെ രഹസ്യകേന്ദ്രത്തിലേക്ക് മാറ്റി; ഡൽഹിയിൽ SFI-DYFI പ്രതിഷേധം, പി എം ആർഷോ ഉൾപ്പെടെയുള്ളവർ കസ്റ്റഡിയിൽ"
english_title: "Delhi Chief Election Commissioner Gyanesh Kumar Remove Demanding Jantar Mantar CJP Protest Start Many People Custody Police Arvind Kejriwal Aishi Ghosh Manish Sisodia Taken Custody"
publisher: "malayorashabdam.in"
canonical_url: "https://malayorashabdam.truevisionnews.com/news/386439/delhi-jantar-mantar-cjp-protest-election-commissioner-gyanesh-kumar-abhijit-deepak-secret-centre-sfi-dyfi-custody"
published_at: "2026-10-10T14:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ac9faa0996f5_1000239147.jpg"
keywords: ["SFI DYFI Organizations Protest PM Arsho Including Police Custody", "AKG Bhavan Front Protest March Protesters Custody Attempt Police Brutal Beating Women Student Leaders"]
---

# അഭിജിത് ദീപ്‍കെയെ രഹസ്യകേന്ദ്രത്തിലേക്ക് മാറ്റി; ഡൽഹിയിൽ SFI-DYFI പ്രതിഷേധം, പി എം ആർഷോ ഉൾപ്പെടെയുള്ളവർ കസ്റ്റഡിയിൽ

> **Lead Summary:** **ഡൽഹി: **മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ പുറത്താക്കണം എന്നാവശ്യപ്പെട്ടുകൊണ്ട് ജന്തർ മന്തറിൽ സിജെപി പ്രതിഷേധം ആരംഭിക്കാനിരിക്കെ, നിരവധിപ്പേരെ കസ്റ്റഡിയിലെടുത്ത് പൊലീസ്.

## Article Content

**ഡൽഹി: **മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ പുറത്താക്കണം എന്നാവശ്യപ്പെട്ടുകൊണ്ട് ജന്തർ മന്തറിൽ സിജെപി പ്രതിഷേധം ആരംഭിക്കാനിരിക്കെ, നിരവധിപ്പേരെ കസ്റ്റഡിയിലെടുത്ത് പൊലീസ്.

അരവിന്ദ് കെജ്‌രിവാൾ, ഐഷി ഘോഷ്, മനീഷ് സിസോദിയ തുടങ്ങിയവരെ കസ്റ്റഡിയിലെടുത്തു. എസ്എഫ്ഐ ഡിവൈഎഫ്ഐ സംഘടനകൾ പ്രതിഷേധവുമായി രംഗത്തെത്തി. പി എം ആർഷോ ഉൾപ്പെടെയുള്ളവർ പൊലീസ് കസ്റ്റഡിയിലാണ്.

എകെജി ഭവന് മുന്നിൽ പ്രതിഷേധ മാർച്ച് നടക്കുന്നു. സമരക്കാരെ കസ്റ്റഡിയിലെടുക്കാൻ ശ്രമം ഉണ്ടായി. സമരക്കാർക്ക് പൊലീസിന്റെ ക്രൂര മർദ്ദനം ഏറ്റു. വനിതാ വിദ്യാർത്ഥി നേതാക്കളെ വലിച്ചിഴച്ചു. പൊലീസ് വിലക്ക് മറികടന്ന് പ്രതിഷേധങ്ങൾ നടക്കുന്നു.

ഇതുവരെ കസ്റ്റഡിയിലെടുത്തത് 200 ഓളം പേരെയാണ്. അതേസമയം പൊലീസ് കസ്റ്റഡിയിലെടുത്ത അഭിജിത് ദീപ്‍കെയെ രഹസ്യകേന്ദ്രത്തിലേക്ക് മാറ്റി. ഫോണുകൾ ഡൽഹി പൊലീസ് പിടിച്ചെടുത്തു.

അതേസമയം സമരത്തിൽ പങ്കെടുക്കാനെത്തിയ ധ്രുവ് റാഠിയെ ഗുരുഗ്രാമിലെ വസതിയിൽനിന്ന് പൊലീസ് കസ്റ്റഡിയിൽ എടുത്തിരുന്നു. സിജെപി സ്ഥാപകൻ അഭിജിത് ദീപ്കെയെ വിമാനത്തിൽവച്ചാണ് പൊലീസ് കസ്റ്റഡിയിലെടുത്തത്.

കേരള ഹൗസിൽനിന്ന് മാർച്ചിനൊരുങ്ങുന്നതിനിടെ സിപിഐഎം നേതാക്കളെ പൊലീസ് കസ്റ്റഡിയിലെടുത്തു. എം.വി. ഗോവിന്ദൻ, കെ.കെ. ശൈലജ, ഇ.പി. ജയരാജൻ, ബൃന്ദാ കാരാട്ട്, പി.കെ. ശ്രീമതി, ശിവദാസൻ എം.പി. തുടങ്ങിയവരെ പൊലീസ് വലിച്ചിഴച്ചാണ് കസ്റ്റഡിയിലെടുത്തത്. പിണറായി വിജയനും ഡൽഹി പൊലീസിന്റെ കസ്റ്റഡിയിലാണ്.

### Related Links & Sources
- [Original Story Source](https://malayorashabdam.truevisionnews.com/news/386439/delhi-jantar-mantar-cjp-protest-election-commissioner-gyanesh-kumar-abhijit-deepak-secret-centre-sfi-dyfi-custody)