---
title: "കണ്ണൂർ കലക്ടറേറ്റ് മൈതാനിയിൽ ബുക്ക് ഫെസ്റ്റ്-26 ഒക്ടോബർ 29 മുതൽ; നാലുനാൾ അക്ഷരോത്സവം"
english_title: "Four Days Long Kannur Literary Festival Book Fest 26 Tamil Writer Subha Venkatesan MP Inaugurate Kannur District"
publisher: "malayorashabdam.in"
canonical_url: "https://malayorashabdam.truevisionnews.com/news/388985/four-days-kannur-book-fest-26-tamil-writer-subha-venkatesan-mp-inauguration-october-29-november-1-collectorate-maidan"
published_at: "2026-10-27T14:46:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ae06cfa643db_1000242728.jpg"
keywords: ["Kannur Book Fest 26", "Subha Venkatesan MP Inauguration", "Book Festival"]
---

# കണ്ണൂർ കലക്ടറേറ്റ് മൈതാനിയിൽ ബുക്ക് ഫെസ്റ്റ്-26 ഒക്ടോബർ 29 മുതൽ; നാലുനാൾ അക്ഷരോത്സവം

> **Lead Summary:** **കണ്ണൂർ : ** നാലുനാൾ നീണ്ടുനിൽക്കുന്ന കണ്ണൂരിന്റെ അക്ഷരോത്സവം ‘ബുക്ക് ഫെസ്റ്റ്–26’ പ്രമേയ തമിഴ് സാഹിത്യകാരൻ സുഭ. വെങ്കിടേശൻ എം.പി. ഉദ്ഘാടനം ചെയ്യും.

## Article Content

**കണ്ണൂർ : ** നാലുനാൾ നീണ്ടുനിൽക്കുന്ന കണ്ണൂരിന്റെ അക്ഷരോത്സവം ‘ബുക്ക് ഫെസ്റ്റ്–26’ പ്രമേയ തമിഴ് സാഹിത്യകാരൻ സുഭ. വെങ്കിടേശൻ എം.പി. ഉദ്ഘാടനം ചെയ്യും.

കണ്ണൂർ ജില്ലാ ലൈബ്രറി കൗൺസിലിൽ വികസനസമിതി സംഘടിപ്പിക്കുന്ന ‘കണ്ണൂർ ബുക്ക് ഫെസ്റ്റ്–26’ (പുസ്തകോത്സവം) 2026 ഒക്ടോബർ 29 മുതൽ നവംബർ 1 വരെ കണ്ണൂർ കലക്ടറേറ്റ് മൈതാനിയിൽ നടക്കും.

കേന്ദ്രസാഹിത്യ അക്കാദമി പുരസ്കാരജേതാവും പ്രമുഖ നോവലിസ്റ്റും മധുര എം.പി.യുമായ തമിഴ് സാഹിത്യകാരൻ സുഭ. വെങ്കിടേശനാണ് നാലുനാൾ നീണ്ടുനിൽക്കുന്ന ബുക്ക് ഫെസ്റ്റ് ഉദ്ഘാടനം ചെയ്യുന്നത്.

ഉച്ചകഴിഞ്ഞ് 3 മണിക്ക് നടക്കുന്ന ഉദ്ഘാടനച്ചടങ്ങിൽ സംഘാടക സമിതി ചെയർമാനും രാജ്യസഭാംഗവുമായ ഡോ. ശിവദാസൻ അധ്യക്ഷത വഹിക്കും. മേയർ അഡ്വ. പി. ഇന്ദിര ആശംസയറിയിക്കും.

എം.പി.മാരായ കെ. സുധാകരൻ, അഡ്വ. പി. സന്തോഷ്, എം.എൽ.എമാരായ അഡ്വ. ടി.ഒ. മോഹനൻ, കെ.വി. സുമേഷ്, ജില്ലാ പഞ്ചായത്ത് പ്രസിഡന്റ് അഡ്വ. ബിനോയ് കുര്യൻ, ജില്ലാ കലക്ടർ പി. വിഷ്ണുരാജ്, സംസ്ഥാന ലൈബ്രറി കൗൺസിൽ സെക്രട്ടറി എം.കെ. രമേശ്കുമാർ എന്നിവർ ചടങ്ങിൽ വിശിഷ്ടാതിഥികളായിരിക്കും. വയലാർ അനുസ്മരണം പ്രമാണിച്ച് ജില്ലാ ലൈബ്രറി കൗൺസിൽ കലാകാരികൾ അവതരിപ്പിക്കുന്ന ‘താടക’ സംഗീത ശിൽപവും അരങ്ങേറും.

ഒക്ടോബർ 30ന് ഉച്ചകഴിഞ്ഞ് നടക്കുന്ന സുഗമാർ അഴീക്കോട്, ഐ.വി. ദാസ് അനുസ്മരണ പരിപാടിയിൽ അഴീക്കോടിനെക്കുറിച്ച് ലൈബ്രറി കൗൺസിൽ സംസ്ഥാന പ്രസിഡന്റ് ഡോ. ധർമരാജ് അടാട്ടും ഐ.വി. ദാസിനെക്കുറിച്ച് കൗൺസിൽ സംസ്ഥാന ജോ. സെക്രട്ടറി മനയത്ത് ചന്ദ്രനും പ്രഭാഷണം നടത്തും.

തുടർന്ന് എ.വി. കൃഷ്ണൻ സ്മാരക വായനശാല, പറവൂർ, പട്ടുവം വനിതാവേദി അവതരിപ്പിക്കുന്ന യോഗ ഡാൻസും ഉണ്ടായിരിക്കും.

ഒക്ടോബർ 31ന് രാവിലെ കുട്ടിക്കൂട്ടം കലെയൊത്തുമാനസിക ശിൽപശാല ഡോ. കെ. ശ്രീകുമാർ ഉദ്ഘാടനം ചെയ്യും. വിവിധ വിഷയങ്ങളിൽ ഡോ. കെ. രമേശൻ കടൂർ, ടി.ജി. പോൾ എന്നിവർ സംസാരിക്കും. കുട്ടികളുടെ കലെയൊത്തുമാനസിക പ്രവർത്തനവും ഒരുക്കുന്നതാണ്.

ഒക്ടോബർ 31ന് ഉച്ചയ്ക്ക് ശേഷം, ശതാഭിഷിക്തനായ വിപ്ലവ എഴുത്തുകാരൻ എം. മുകുന്ദനുള്ള ആദരത്തിന്റെ ഭാഗമായി ‘മുകുന്ദനാമനം’ നടക്കും. മുൻ എം.എൽ.എയും പ്രമുഖ വാഗ്മിയുമായ എം. സ്വരാജ് ഉദ്ഘാടനം ചെയ്യും. ഒട്ടേറെ പ്രമുഖർ ചടങ്ങിൽ ആശംസാപ്രസംഗം നടത്തും.

കേരളപ്പിറവിദിനമായ നവംബർ 1ന് ബുക്ക് ഫെസ്റ്റ് സമാപന സമ്മേളനം ‘മലയാളികളുടെ മാതൃഭൂമിക്ക് എഴുപത്തഞ്ച്’ എന്ന വിഷയത്തെ അടിസ്ഥാനമാക്കിയാകും. രാവിലെ 10.30ന് കഥാകലാപതി ടി. പത്മനാഭൻ ഉദ്ഘാടനം ചെയ്യും. വിശിഷ്ടാതിഥിയായി ഡോ. സുനിൽ പി. ഇളയിടം പ്രഭാഷണം നടത്തും. ഒട്ടേറെ പ്രമുഖർ സംബന്ധിക്കും. നിശ്ചിത സമയങ്ങളിൽ പുസ്തകപ്രകാശനവും ബുക്ക് ഫെസ്റ്റിന്റെ ഭാഗമായി നടക്കുന്നതാണ്.

അറുപതിലേറെ ചെറുതും വലുതുമായ പ്രസാധകരുടെ നേതൃത്വത്തിൽ സ്റ്റാളുകൾ സജ്ജമാക്കിയിട്ടുണ്ട്. ആയിരത്തിലേറെ അംഗഗ്രന്ഥശാലകളിൽ നിന്നും പുസ്തകഗ്രന്ഥങ്ങൾ വാങ്ങാനെത്തുന്ന വായനക്കാരെ ആകർഷിക്കാനുളള ഒരുക്കങ്ങളാണ് നടക്കുന്നത്.

പത്രസമ്മേളനത്തിൽ പി.കെ. വിജയൻ (സെക്രട്ടറി, ജില്ലാ ലൈബ്രറി കൗൺസിൽ, ജനറൽ കൺവീനർ സംഘാടക സമിതി) മുകുന്ദൻ മഠത്തിൽ (പ്രസിഡന്റ്, ജില്ലാ ലൈബ്രറി കൗൺസിൽ, കൺവീനർ പ്രോഗ്രാം കമ്മിറ്റി) പി. ജനാർദനൻ (സ്റ്റേറ്റ് കൗൺസിലർ) കൃഷ്ണൻകുട്ടി (സ്റ്റേറ്റ് കൗൺസിലർ) കെ.ടി. ശശി (മീഡിയ കൺവീനർ) എന്നിവർ പങ്കെടുത്തു.

### Related Links & Sources
- [Original Story Source](https://malayorashabdam.truevisionnews.com/news/388985/four-days-kannur-book-fest-26-tamil-writer-subha-venkatesan-mp-inauguration-october-29-november-1-collectorate-maidan)