---
title: "പി പി ദിവ്യക്കെതിരായ അന്വേഷണം: ജില്ലാ പഞ്ചായത്തിൽ നിന്ന് രേഖകൾ പിടിച്ചെടുത്ത് വിജിലൻസ്"
english_title: "PP Divya Case Vigilance Seizes Documents Kannur District Panchayat"
publisher: "malayorashabdam.in"
canonical_url: "https://malayorashabdam.truevisionnews.com/news/389871/"
published_at: "2026-11-02T12:19:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ae832e35dfad_1000376129.jpg"
keywords: ["PP Divya", "Vigilance", "Kannur"]
---

# പി പി ദിവ്യക്കെതിരായ അന്വേഷണം: ജില്ലാ പഞ്ചായത്തിൽ നിന്ന് രേഖകൾ പിടിച്ചെടുത്ത് വിജിലൻസ്

> **Lead Summary:** **കണ്ണൂർ**: പി പി ദിവ്യക്കെതിരായ അന്വേഷണത്തിൽ കണ്ണൂർ ജില്ലാ പഞ്ചായത്തിൽ നിന്ന് രേഖകൾ പിടിച്ചെടുത്ത് വിജിലൻസ്. കാർട്ടൺ ഇന്ത്യ അലയൻസ് ലിമിറ്റഡ് കമ്പനി ഏറ്റെടുത്ത് നടത്തിയ പദ്ധതികളുമായി ബന്ധപ്പെട്ട അഞ്ച് ഫയലുകളാണ് പിടിച്ചെടുത്തത്.

## Article Content

**കണ്ണൂർ**: പി പി ദിവ്യക്കെതിരായ അന്വേഷണത്തിൽ കണ്ണൂർ ജില്ലാ പഞ്ചായത്തിൽ നിന്ന് രേഖകൾ പിടിച്ചെടുത്ത് വിജിലൻസ്. കാർട്ടൺ ഇന്ത്യ അലയൻസ് ലിമിറ്റഡ് കമ്പനി ഏറ്റെടുത്ത് നടത്തിയ പദ്ധതികളുമായി ബന്ധപ്പെട്ട അഞ്ച് ഫയലുകളാണ് പിടിച്ചെടുത്തത്.

കാർട്ടൺ ഇന്ത്യക്ക് കരാറുകൾ നൽകിയതിൽ ക്രമക്കേടുണ്ടെന്ന കെഎസ്‌യു സംസ്ഥാന വൈസ് പ്രസിഡന്റ് മുഹമ്മദ് ഷമ്മാസിന്റെ പരാതിയിലാണ് വിജിലൻസ് പ്രാഥമിക അന്വേഷണം തുടങ്ങിയത്.

പി പി ദിവ്യ കണ്ണൂർ ജില്ലാ പഞ്ചായത്ത് പ്രസിഡന്റായിരിക്കെ 12 കോടി രൂപയുടെ പദ്ധതികൾ കാർട്ടൺ കമ്പനിക്ക് നൽകിയതായും, ഇതിൽ ക്രമക്കേടുണ്ടെന്നുമായിരുന്നു പരാതി. ഇതുമായി ബന്ധപ്പെട്ട രേഖകളാണ് വിജിലൻസ് ശേഖരിച്ചത്. കരാർ സംബന്ധിച്ച രേഖകളും കസ്റ്റഡിയിലെടുത്തതായാണ് സൂചന.

### Related Links & Sources
- [Original Story Source](https://malayorashabdam.truevisionnews.com/news/389871/)