---
title: "‘ ചിലത് ഒഴിവാക്കുന്നതിന്റെ പേരാണ് അഴിമതി’; പരീക്ഷാക്രമക്കേടില്‍ പിഎസ്‌സിക്കെതിരെ ആഞ്ഞടിച്ച് ഹൈക്കോടതി"
english_title: "Kochi Exam Irregularity PSC Against Lashing High Court Answers Valuation Excluded Exam Paper Check Person"
publisher: "malayorashabdam.in"
canonical_url: "https://malayorashabdam.truevisionnews.com/news/389891/kochi-exam-irregularity-psc-against-high-court-corruption-clerical-mistake-innovative-fraud"
published_at: "2026-11-02T14:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ae84ae999384_1000243704.jpg"
keywords: ["Exam Irregularity", "Clerical Mistake", "Investigation Kerala PSC"]
---

# ‘ ചിലത് ഒഴിവാക്കുന്നതിന്റെ പേരാണ് അഴിമതി’; പരീക്ഷാക്രമക്കേടില്‍ പിഎസ്‌സിക്കെതിരെ ആഞ്ഞടിച്ച് ഹൈക്കോടതി

> **Lead Summary:** **കൊച്ചി: **പരീക്ഷാക്രമക്കേടില്‍ പിഎസ്‌സിക്കെതിരെ ആഞ്ഞടിച്ച് ഹൈക്കോടതി. ഉത്തരങ്ങള്‍ മൂല്യനിര്‍ണത്തില്‍ നിന്ന് ഒഴിവാക്കിയതും, പരീക്ഷാപേപ്പര്‍ നോക്കേണ്ട ആള്‍ അത് ചെയ്യാത്തതും കുറ്റമാണെന്ന് കോടതി നിരീക്ഷിച്ചു. ചിലത് ഒഴിവാക്കുന്നതിന്റെ പേരാണ് അഴിമതിയെന്നും കോടതി ചൂണ്ടിക്കാട്ടി.

## Article Content

**കൊച്ചി: **പരീക്ഷാക്രമക്കേടില്‍ പിഎസ്‌സിക്കെതിരെ ആഞ്ഞടിച്ച് ഹൈക്കോടതി. ഉത്തരങ്ങള്‍ മൂല്യനിര്‍ണത്തില്‍ നിന്ന് ഒഴിവാക്കിയതും, പരീക്ഷാപേപ്പര്‍ നോക്കേണ്ട ആള്‍ അത് ചെയ്യാത്തതും കുറ്റമാണെന്ന് കോടതി നിരീക്ഷിച്ചു. ചിലത് ഒഴിവാക്കുന്നതിന്റെ പേരാണ് അഴിമതിയെന്നും കോടതി ചൂണ്ടിക്കാട്ടി.

പരീക്ഷ പേപ്പര്‍ നോക്കേണ്ട ആള്‍ അത് ചെയ്തില്ല എന്നതും കുറ്റമാണ്. ഉത്തരവാദിത്തത്തില്‍ വീഴ്ച വരുത്തി. എല്ലാ ചോദ്യവും നോക്കേണ്ടേ? അത് ചെയ്യാതെ ഇരുന്നു എന്നതാണ് പ്രശ്‌നം – കോടതി വ്യക്തമാക്കി.

കൈകള്‍ ശുദ്ധമെങ്കില്‍ എന്തിനാണ് സ്വതന്ത്രമായ അന്വേഷണത്തെ പിഎസ്‌സി ഭയക്കുന്നത് എന്നാണ് സര്‍ക്കാരിന്റെ ചോദ്യം. സ്വതന്ത്രമായ അന്വേഷണത്തെ എന്തിനാണ് പിഎസ്‌സി ഭയക്കുന്നത്. ആകാശം ഇടിഞ്ഞു വീഴില്ലല്ലോ. കേവലം ഒരു ക്ലറിക്കല്‍ മിസ്റ്റേക്ക് എന്നാണ് അവര്‍ പറയുന്നത്. കൈകള്‍ ശുദ്ധമെങ്കില്‍ എന്തിന് ഭയക്കണം. രണ്ട് പേരെ അറസ്റ്റ് ചെയ്തു. നടന്നത് ഇന്നൊവേറ്റീവ് ഫ്രോഡ് – സര്‍ക്കാര്‍ വ്യക്തമാക്കി.

മൂല്യനിര്‍ണയത്തിലെ വീഴ്ച സാങ്കേതികം മാത്രം എന്ന് പിഎസ്‌സി ആവര്‍ത്തിച്ചു. ഭരണകക്ഷിയില്‍പ്പെട്ടവര്‍ക്ക് ജോലി കിട്ടിയെന്നത് മാധ്യമവാര്‍ത്തകള്‍ മാത്രമെന്നായിരുന്നു പിഎസ്‌സിയുടെ വാദം. പിഎസ്‌സിക്കെതിരായ അന്വേഷണത്തിന് പ്രത്യേക അനുമതി വേണമെന്നും വാദിച്ചു.

പിഎസ്‌സി തന്നെ വീഴ്ച ശ്രദ്ധിച്ച് പരിഹരിച്ചു. പുനര്‍മൂല്യനിര്‍ണയം നടത്തി പരിഹാരനടപടിയെടുത്തു. ഷോര്‍ട്ട് ലിസ്റ്റ് പുനപ്രസിദ്ധീകരിച്ചു. ഉദ്യോഗാര്‍ത്ഥി തെറ്റ് ചൂണ്ടിക്കാട്ടിയപ്പോള്‍ തെറ്റ് തിരുത്തി – പിഎസ്‌സി വ്യക്തമാക്കി. കിട്ടിയ ആളൊക്കെ ഭരണകക്ഷിയുടെ ആളല്ലേ എന്ന് ഇതോടെ കോടതി ചോദിച്ചു.

പത്രക്കാര്‍ പറയുന്നതാണ് ഇതെല്ലാം എന്ന് പിഎസ്‌സി വ്യക്തമാക്കി. ലിസ്റ്റില്‍ ഇല്ലേ എന്നായിരുന്നു കോടതിയുടെ ചോദ്യം.

### Related Links & Sources
- [Original Story Source](https://malayorashabdam.truevisionnews.com/news/389891/kochi-exam-irregularity-psc-against-high-court-corruption-clerical-mistake-innovative-fraud)