---
title: "രാജ്യത്തിൻ്റെ സൈനിക ശേഷി അതിദ്രുതം വളർന്നുകൊണ്ടിരിക്കുകയാണ്  :അഡ്മിറൽ ആർ ഹരികുമാർ   "
english_title: " The military of the country were developed rapidly : admiral harikumar"
publisher: "malayorashabdam.in"
canonical_url: "https://malayorashabdam.truevisionnews.com/news/45610/the-military-of-the-country-were-developed-rapidly-admiral-harikumar"
published_at: "2022-05-28T15:15:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6291f003b71c0_Picsart_22-05-28_15-18-34-936.jpg"
keywords: []
---

# രാജ്യത്തിൻ്റെ സൈനിക ശേഷി അതിദ്രുതം വളർന്നുകൊണ്ടിരിക്കുകയാണ്  :അഡ്മിറൽ ആർ ഹരികുമാർ   

> **Lead Summary:** രാജ്യത്തിൻ്റെ സൈനിക ശേഷി അതിദ്രുതം വളർന്നുകൊണ്ടിരിക്കുക യാണെന്ന് നാവികസേന മേധാവി അഡ്മിറൽ ആർ ഹരികുമാർ പറഞ്ഞു. ലോകത്ത് യുദ്ധത്തിൻ്റെ സ്വഭാവത്തിൽ പലവിധ മാറ്റങ്ങൾ വന്നു കൊണ്ടിരിക്കുകയാണ് രാജ്യത്തിൻ്റെ സുരക്ഷ ഉറപ്പാക്കുന്നതിനും ഏത് ഭീഷണികൾ നേരിടുന്നതിനും ഇന്ത്യൻ നേവി സദാ സജ്ജമാണെന്നും അദ്ദേഹം പറഞ്ഞു.

## Article Content

രാജ്യത്തിൻ്റെ സൈനിക ശേഷി അതിദ്രുതം വളർന്നുകൊണ്ടിരിക്കുക യാണെന്ന് നാവികസേന മേധാവി അഡ്മിറൽ ആർ ഹരികുമാർ പറഞ്ഞു. ലോകത്ത് യുദ്ധത്തിൻ്റെ സ്വഭാവത്തിൽ പലവിധ മാറ്റങ്ങൾ വന്നു കൊണ്ടിരിക്കുകയാണ് രാജ്യത്തിൻ്റെ സുരക്ഷ ഉറപ്പാക്കുന്നതിനും ഏത് ഭീഷണികൾ നേരിടുന്നതിനും ഇന്ത്യൻ നേവി സദാ സജ്ജമാണെന്നും അദ്ദേഹം പറഞ്ഞു.

ഏഴിമല ഇന്ത്യൻ നാവിക അക്കാദമിയിൽ പരിശീലനം പൂർത്തിയാക്കിയ കാഡറ്റുകളുടെ പാസിങ്‌  ഔട്ട് പരേഡിൽ അഭിവാദ്യം സ്വീകരിച്ച് സംസാരിക്കുകയായിരുന്നു അദ്ദേഹം സാങ്കേതിക രംഗത്തെ പുരോഗതി പൂർണ്ണമായും ഉപയോഗപ്പെടുത്തിയാണ് സേന മുന്നോട്ടു പോവുന്നതെന്നും അദ്ദേഹം പറഞ്ഞു 250 കാഡറ്റുകളാണ് പരിശീലനം പൂർത്തിയാക്കിയത് പരിശീലന കാലത്ത് മികച്ച പ്രകടനം കാഴ്ചവെച്ച കാഡറ്റുകൾക്കുള്ള പ്രസിഡൻറ്സ് സ്വർണ്ണ മെഡൽ ഉൾപ്പെടെയുള്ള പുരസ്കാരങ്ങൾ നാവിക സേന മേധാവി ആർ. ഹരികുമാർ സമ്മാനിച്ചു.

മിഡ്ഷീപ്പ്മെൻ എസ്. ആദിത്യ പ്രസിഡൻ്റ്സ് സ്വർണ്ണ മെഡലിന് അർഹയായി ബംഗ്ലാദേശ്, മാലദ്വീപ്, ഇന്തോനേഷ്യ, ശ്രീലങ്ക എന്നിവിടങ്ങളിൽ നിന്നുള്ള കാഡറ്റുകളും പരിശീലനം പൂർത്തിയാക്കി പരേഡിൽ പങ്കെടുത്തു        ദക്ഷിണ നാവികസേന മേധാവി വൈസ് അഡ്മിറൽ എം.എ.ഹംപി ഹോളി, ഏഴിമല ഇന്ത്യൻ നാവിക അക്കാദമി കമാണ്ടൻറ് അഡ്മിറൽ പുനീത് കുമാർ ബഹൽ, അക്കാദമി പ്രിൻസിപ്പൽ റിയർ അഡ്മിറൽ എ എസ്. നൂർ എന്നിവർ സംബന്ധിച്ചു.

### Related Links & Sources
- [Original Story Source](https://malayorashabdam.truevisionnews.com/news/45610/the-military-of-the-country-were-developed-rapidly-admiral-harikumar)