---
title: "ബഹിരാകാശ രംഗത്തെ സ്വകാര്യ നിക്ഷേപം: ഈ മേഖലയില്‍ ഇന്ത്യയെ ഒന്നാമതാക്കുമെന്ന് പ്രധാനമന്ത്രി"
english_title: "Primeminister"
publisher: "malayorashabdam.in"
canonical_url: "https://malayorashabdam.truevisionnews.com/news/48284/primeminister"
published_at: "2022-06-11T04:56:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/62a3d331bfc93_Screenshot_20220611-045205.png"
keywords: []
---

# ബഹിരാകാശ രംഗത്തെ സ്വകാര്യ നിക്ഷേപം: ഈ മേഖലയില്‍ ഇന്ത്യയെ ഒന്നാമതാക്കുമെന്ന് പ്രധാനമന്ത്രി

> **Lead Summary:** **അഹമ്മദാബാദ്:** ബഹിരാകാശ മേഖലയിൽ സ്വകാര്യ നിക്ഷേപവും നവീകരണവും പ്രോത്സാഹിപ്പിക്കുന്നതിനായി രൂപീകരിച്ച ഇന്ത്യൻ സ്‌പേസ് പ്രൊമോഷൻ ആൻഡ് ഓതറൈസേഷൻ സെന്ററിന്റെ (ഇൻ-സ്‌പേസ്) ആസ്ഥാനം പ്രധാനമന്ത്രി നരേന്ദ്ര മോദി വെള്ളിയാഴ്ച ഉദ്ഘാടനം ചെയ്തു.

## Article Content

**അഹമ്മദാബാദ്:** ബഹിരാകാശ മേഖലയിൽ സ്വകാര്യ നിക്ഷേപവും നവീകരണവും പ്രോത്സാഹിപ്പിക്കുന്നതിനായി രൂപീകരിച്ച ഇന്ത്യൻ സ്‌പേസ് പ്രൊമോഷൻ ആൻഡ് ഓതറൈസേഷൻ സെന്ററിന്റെ (ഇൻ-സ്‌പേസ്) ആസ്ഥാനം പ്രധാനമന്ത്രി നരേന്ദ്ര മോദി വെള്ളിയാഴ്ച ഉദ്ഘാടനം ചെയ്തു.

ഇൻഫർമേഷൻ ടെക്‌നോളജിയിലെന്നപോലെ, ആഗോള ബഹിരാകാശ മേഖലയിലും ഇന്ത്യൻ സ്ഥാപനങ്ങൾ ലോകത്തിലെ മുന്‍നിരക്കാരായി ഉയർന്നുവരാന്‍ സാധിക്കുമെന്ന് പ്രധാനമന്ത്രി മോദി പറഞ്ഞു.

> നേരത്തെ, ബഹിരാകാശ മേഖലയില്‍ സ്വകാര്യ കമ്പനികൾക്ക് പരിമിതമായ അവസരങ്ങളെ ഉണ്ടായിരുന്നുള്ളൂ. എന്നാൽ കേന്ദ്ര സര്‍ക്കാറിന്‍റെ പുത്തന്‍ പരിഷ്‌കാരങ്ങൾ ഈ മേഖല സ്വകാര്യ നിക്ഷേപങ്ങള്‍ക്കും തുറന്നുകൊടുത്തു, പ്രധാനമന്ത്രി മോദി പറഞ്ഞു. "വലിയ ആശയങ്ങൾക്ക് മാത്രമേ വലിയ വിജയികളെ സൃഷ്ടിക്കാൻ കഴിയൂ. ബഹിരാകാശ മേഖലയിൽ പരിഷ്കാരങ്ങൾ കൊണ്ടുവന്ന് സര്‍ക്കാര്‍ എല്ലാ നിയന്ത്രണങ്ങളും നീക്കി," അദ്ദേഹം പറഞ്ഞു.

ഇൻ-സ്‌പേസ് സ്വകാര്യ മേഖലയെ ബഹിരാകാശ മേഖലയിലേക്ക് കടന്നുവരാന്‍ അവസരം ഒരുക്കുകയും. ഈ രംഗത്ത് വിജയികളെ സൃഷ്ടിക്കുന്നതിനുള്ള ദൌത്യം ആരംഭിക്കുകയും ചെയ്യും, പ്രധാനമന്ത്രി പറഞ്ഞു. ഐടി മേഖലയിലേതു പോലെ ആഗോള ബഹിരാകാശ മേഖലയിലും നമ്മുടെ വ്യവസായം മുൻനിരയിൽ എത്തുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.

ബഹിരാകാശ വ്യവസായത്തിൽ വിപ്ലവം സൃഷ്ടിക്കാൻ ഇൻ-സ്‌പെയ്‌സിന് കഴിവുണ്ട്. അതിനാൽ ഞാൻ പറയും 'ഈ ഇടം കാണുക'. ഇൻ-സ്‌പേസ് ബഹിരാകാശത്തിനുള്ളതാണ്. ബഹിരാകാശ വ്യവസായത്തിൽ വേഗവും കുതിപ്പും സൃഷ്ടിക്കുന്നു. പ്രധാനമന്ത്രി നരേന്ദ്ര മോദി പറഞ്ഞു.

### Related Links & Sources
- [Original Story Source](https://malayorashabdam.truevisionnews.com/news/48284/primeminister)