---
title: "സൂക്ഷ്മ തൊഴിൽ സംരംഭ യൂനിറ്റ്: അപേക്ഷ ക്ഷണിച്ചു"
english_title: "Application invited"
publisher: "malayorashabdam.in"
canonical_url: "https://malayorashabdam.truevisionnews.com/news/50478/application-invited"
published_at: "2022-06-23T08:29:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/62b3d72a7a99c_IMG-20220623-WA0007.jpg"
keywords: []
---

# സൂക്ഷ്മ തൊഴിൽ സംരംഭ യൂനിറ്റ്: അപേക്ഷ ക്ഷണിച്ചു

> **Lead Summary:** ഫിഷറീസ് വകുപ്പിന് കീഴിലെ സാഫ് മുഖേന തീരമൈത്രി പദ്ധതിയുടെ കീഴിൽ സൂക്ഷ്മ തൊഴിൽ സംരംഭ യൂനിറ്റ് തുടങ്ങാൻ മത്സ്യത്തൊഴിലാളി കുടുംബങ്ങളിലെ വനിതകൾ അടങ്ങുന്ന ഗ്രൂപ്പുകളിൽ നിന്ന് അപേക്ഷ ക്ഷണിച്ചു.

## Article Content

ഫിഷറീസ് വകുപ്പിന് കീഴിലെ സാഫ് മുഖേന തീരമൈത്രി പദ്ധതിയുടെ കീഴിൽ സൂക്ഷ്മ തൊഴിൽ സംരംഭ യൂനിറ്റ് തുടങ്ങാൻ മത്സ്യത്തൊഴിലാളി കുടുംബങ്ങളിലെ വനിതകൾ അടങ്ങുന്ന ഗ്രൂപ്പുകളിൽ നിന്ന് അപേക്ഷ ക്ഷണിച്ചു.

ഗ്രൂപ്പിൽ രണ്ടു മുതൽ അഞ്ചു പേർ വരെ അംഗങ്ങളാവാം. ഒരംഗത്തിന് ഒരു ലക്ഷം എന്ന നിലയിൽ പരമാവധി അഞ്ച് ലക്ഷം രൂപ വരെ പദ്ധതി ഗ്രാന്റായി അനുവദിക്കും. അപേക്ഷകർ മത്സ്യബോർഡ് അംഗീകാരമുള്ള മത്സ്യത്തൊഴിലാളി കുടുംബത്തിലെ അംഗവും ഫിഷറീസ് വകുപ്പ് തയ്യാറാക്കിയ എഫ് ഐ എം എസിൽ ഉൾപ്പെടുന്നവരും ജില്ലയിലെ സ്ഥിരതാമസക്കാരുമായിരിക്കണം.

പ്രായപരിധി 50 വയസ്സ്. വിധവകൾ, ട്രാൻസ്ജെൻഡർ, ഭിന്നശേഷിക്കാർ, ശാരീരിക മാനസിക വെല്ലുവിളികൾ നേരിടുന്ന കുട്ടികളുടെ അമ്മമാർ എന്നിവർക്ക് മുൻഗണ. ഇവർക്ക് വ്യക്തിഗത ആനുകൂല്യമായും സഹായം ലഭിക്കും. അപേക്ഷാഫോറം സാഫിന്റെ ജില്ലാ ഓഫീസിലും, കണ്ണൂർ, തലശ്ശേരി, അഴീക്കൽ, മാടായി മത്സ്യഭവനുകളിലും ലഭിക്കും. പൂരിപ്പിച്ച അപേക്ഷകൾ ആവശ്യമായ രേഖകൾ സഹിതം മേൽ പറഞ്ഞ ഓഫീസുകളിൽ ജൂൺ 30 നകം സമർപ്പിക്കണം. മുൻപ് സാഫിൽ നിന്ന് ധനസഹായം ലഭിച്ചവർ അപേക്ഷിക്കേണ്ടതില്ല . ഫോൺ: 7902502030, 8075561552.

### Related Links & Sources
- [Original Story Source](https://malayorashabdam.truevisionnews.com/news/50478/application-invited)