പയ്യാവൂർ : പയ്യാവൂർ കരിമ്പക്കണ്ടി പുഴയിൽ ഒഴുകിപ്പെട്ട് കാണാതായ ഇരിക്കൂർ കൃഷി ഓഫീസിലെ അസിസ്റ്റന്റ് മല്ലിശ്ശേരിൽ അനിൽകുമാറി (30) നായുള്ള തിരച്ചിൽ ഊർജിതമാക്കുമെന്ന് ഇരിക്കൂർ എം. എൽ. എ സജീവ് ജോസഫ് അറിയിച്ചു.
43 പേരടങ്ങുന്ന ഫയർ ഫോഴ്സ് സംഘവും നാട്ടുകാരും കരിമ്പക്കണ്ടി മുതൽ പാറക്കടവ് പാലം വരെ വ്യാപകമായി തിരച്ചിൽ നടത്തിയെങ്കിലും മൂന്നാം ദിവസവും ഫലം കാണാത്തതിനാൽ തിരച്ചിൽ താത്കാലികമായി നിർത്തിയിരുന്നു . ഇന്ന് (വെള്ളി ) കാലത്ത് മുതൽ നൂറ് പേരടങ്ങുന്ന സംഘം വിവിധ ചെറു ടീമുകളായി തിരിഞ്ഞ് തിരച്ചിൽ തുടരും. എം. എൽ. എ അനിൽ കുമാറിന്റെ വീടും സംഭവ സ്ഥലവും സന്ദർശിച്ചു.
അഡ്വ. സജീവ് ജോസഫ് എം. എൽ. എ യോടൊപ്പം എ. ഡി.എം ദിവാകരൻ കെ.കെ,പയ്യാവൂർ പഞ്ചായത്ത് പ്രസിഡന്റ് സാജു സേവ്യർ,ബ്ലോക്ക് പഞ്ചായത്ത് പ്രസിഡന്റ് റോബർട്ട് ജോർജ്,ഡി. യെ.എസ്.പി രത്നകുമാർ ടി. കെ,തളിപ്പറമ്പ് തഹസിൽദാർ ഭാസ്കരൻ, ഡെപ്യൂട്ടി തഹസിൽദാർ വിജയൻ , പയ്യാവൂർ സി. ഐ ഉഷ ദേവി, വില്ലേജ് ഓഫീസർ ജിജു , എം. സി രാഘവൻ, പ്രീത സുരേഷ്, ജിത്തു തോമസ്,രൂപേഷ് ഇ. ടി, ഇ. കെ കുര്യൻ,എം. സി നാരായണൻ എന്നിവർ സംഭവസ്ഥലത്ത് കാര്യങ്ങൾ വിലയിരുത്തുകയും തിരച്ചിലിന് നേതൃതം നൽകുകയും ചെയ്തു
Payyavur Karimbakandi river accident search will be intensified: Adv. Sajeev Joseph MLA