---
title: "സംസ്ഥാനത്ത് മഴക്കെടുതിയില്‍ മരിച്ചവരുടെ കുടുംബങ്ങള്‍ക്ക്  ധനസഹായം നല്‍കുമെന്ന് റവന്യുമന്ത്രി കെ രാജന്‍"
english_title: "Revenue Minister K Rajan has promised financial assistance to the families of those died in the rains in the state"
publisher: "malayorashabdam.in"
canonical_url: "https://malayorashabdam.truevisionnews.com/news/5692/revenue-minister-k-rajan-has-promised-financial-assistance-to-the-families-of-those-died-in-the-rains-in-the-state"
published_at: "2021-10-17T16:47:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/616c067884ec7_images - 2021-10-17T164726.732.jpeg"
keywords: []
---

# സംസ്ഥാനത്ത് മഴക്കെടുതിയില്‍ മരിച്ചവരുടെ കുടുംബങ്ങള്‍ക്ക്  ധനസഹായം നല്‍കുമെന്ന് റവന്യുമന്ത്രി കെ രാജന്‍

> **Lead Summary:**  **കോട്ടയം**: സംസ്ഥാനത്ത് മഴക്കെടുതിയില്‍ മരിച്ചവരുടെ കുടുംബങ്ങള്‍ക്ക് നാല് ലക്ഷം രൂപ ധനസഹായം നല്‍കുമെന്ന് റവന്യുമന്ത്രി കെ രാജന്‍.നഷ്ടപരിഹാര തുകയൊക്കെ അതത് സമയത്ത് തന്നെ നല്‍കുമെന്നും, പ്രാഥമികമായി നല്‍കേണ്ടതൊക്കെ വിതരണം ചെയ്യാന്‍ നിര്‍ദേശിച്ചെന്നും അദ്ദേഹം പറഞ്ഞു.

## Article Content

 **കോട്ടയം**: സംസ്ഥാനത്ത് മഴക്കെടുതിയില്‍ മരിച്ചവരുടെ കുടുംബങ്ങള്‍ക്ക് നാല് ലക്ഷം രൂപ ധനസഹായം നല്‍കുമെന്ന് റവന്യുമന്ത്രി കെ രാജന്‍.നഷ്ടപരിഹാര തുകയൊക്കെ അതത് സമയത്ത് തന്നെ നല്‍കുമെന്നും, പ്രാഥമികമായി നല്‍കേണ്ടതൊക്കെ വിതരണം ചെയ്യാന്‍ നിര്‍ദേശിച്ചെന്നും അദ്ദേഹം പറഞ്ഞു.

കോട്ടയം, ഇടുക്കി ജില്ലകള്‍ക്ക് അടിയന്തരമായി സഹായം പ്രഖ്യാപിക്കുമെന്നും മന്ത്രി അറിയിച്ചു. മരിച്ചവരുടെ സംസ്‌കാരവുമായി ബന്ധപ്പെട്ടതും പരിക്കേറ്റവരുടെ ചികിത്സയുമായി ബന്ധപ്പെട്ടതുമായ കാര്യങ്ങള്‍ കൃത്യതയോടെ ചെയ്യുമെന്നും അദ്ദേഹം കൂട്ടിച്ചേര്‍ത്തു.

അതേസമയം കൂട്ടിക്കല്‍ ഉരുള്‍പൊട്ടലില്‍ മരിച്ചവരുടെ എണ്ണം 11 ആയി എട്ടുപേരുടെ മൃതദേഹങ്ങളാണ് ഇന്ന് കണ്ടെത്തിയത്. കൊക്കയാറില്‍ കാണാതായ എട്ടുപേര്‍ക്കായി തിരച്ചില്‍ തുടരുന്നു. അഞ്ച് കുട്ടികളെ ഉള്‍പ്പടെയാണ് കണ്ടെത്താനുള്ളത്.ഫയര്‍ഫോഴ്‌സിന്റെ നേതൃത്വത്തിലാണ് തിരച്ചില്‍ നടക്കുന്നത്.

### Related Links & Sources
- [Original Story Source](https://malayorashabdam.truevisionnews.com/news/5692/revenue-minister-k-rajan-has-promised-financial-assistance-to-the-families-of-those-died-in-the-rains-in-the-state)