കണ്ണുർ ജി.ഐ.എസ് അധിഷ്ഠിത കോർപറേഷനായി പ്രഖ്യാപിച്ചു

കണ്ണൂർ: ജിഐഎസ് അധിഷ്ഠിത കണ്ണൂർ കോർപ്പറേഷൻ പ്രഖ്യാപനം നടത്തി. നോർത്ത് മലബാർ ചേംബർ ഓഫ് ഹാളിൽ നടന്ന ചടങ്ങിൽ കെ സുധാകരൻ എംപി നിർവഹിച്ചു. മേയർ അഡ്വ ടി ഒ മോഹനൻ അധ്യക്ഷനായിരുന്നു.

Also read: #delhi l രാജസ്ഥാനിലെ വിവാദ പരാമർശം; പ്രധാനമന്ത്രി നരേന്ദ്രമോദിയോട് വിശദീകരണം തേടി തെരഞ്ഞെടുപ്പ് കമ്മിഷൻ

 ഇതോടെ ഭൗമ വിവരസാങ്കേതികവിദ്യ അടിസ്ഥാനമാക്കിയുള്ള സംസ്ഥാനത്തെ ആദ്യത്തെ കോർപ്പറേഷനായി കണ്ണൂർ മാറി. കോർപ്പറേഷൻ പരിധിയിലെ മുഴുവൻ കെട്ടിടങ്ങളും, റോഡുകളും, ലാൻഡ് മാർക്കുകളും, തണ്ണീർത്തടങ്ങളും ഉൾപ്പെടെയുള്ള മുഴുവൻ വിവരങ്ങളും ഒരു വെബ് പോർട്ടലിൽ ആവശ്യാനുസരണം തിരയുന്നതിന് സാധ്യമാകുന്ന വിധത്തിലാണ് ഇത് ഒരുക്കിയിരിക്കുന്നത്.

 ഊരാളുങ്കൽ ലേബർ കോൺട്രാക്ടിങ് സൊസൈറ്റി ആണ് ഇത് പൂർത്തിയാക്കിയിരിക്കുന്നത്. ഇതുവഴി നഗരാസൂത്രണവും വാർഷിക പദ്ധതി ആസൂത്രണവും ഗുണഭോക്താക്കളെ തെരഞ്ഞെടുക്കുന്നത് ഉൾപ്പെടെയുള്ള മുഴുവൻ കാര്യങ്ങളും വളരെ കൃത്യതയോടെ ചെയ്യാൻ കഴിയും.

Also read: കുട്ടികൾ അധ്യാപകർക്ക് വിലയേറിയ സമ്മാനം നൽകരുതെന്ന് വിദ്യാഭ്യാസ വകുപ്പ്

ചടങ്ങിൽ ഡെപ്യൂട്ടി മേയർ കെ ഷബീന മുൻ മേയർമാരായ സുമ ബാലകൃഷ്ണൻ,സി. സീനത്ത്, ഊരാളുങ്കൽ ലേബർ കോൺട്രാക്ടിങ് സൊസൈറ്റി ജി ഐ എസ് ഹെഡ് ജയിക് ജേക്കബ്, സ്ഥിരം സമിതി അധ്യക്ഷൻമാരായ ഷമീമ, അഡ്വ. പി ഇന്ദിര, സിയാദ് തങ്ങൾ, ഷാഹിനാ മൊയ്തീൻ, സുരേഷ് ബാബു എളയാവൂർ, കൗൺസിലർ മുസ്ലിഹ്‌ മഠത്തിൽ, സെക്രട്ടറി ഡി സാജു തുടങ്ങിയവർ സംസാരിച്ചു.

Kannur has been declared a GIS based corporation