---
title: "നിയന്ത്രണം വിട്ട കാറിടിച്ച് വഴിയാത്രക്കാരൻ മരിച്ചു"
english_title: " Pedastrian died"
publisher: "malayorashabdam.in"
canonical_url: "https://malayorashabdam.truevisionnews.com/news/71916/pedastrian-died"
published_at: "2022-10-01T14:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63380112460a6_Picsart_22-10-01_14-27-28-125.jpg"
keywords: []
---

# നിയന്ത്രണം വിട്ട കാറിടിച്ച് വഴിയാത്രക്കാരൻ മരിച്ചു

> **Lead Summary:** കൽപ്പറ്റ: മുട്ടില്‍ വാര്യാടിന് സമീപം നിയന്ത്രണം വിട്ട കാറിടിച്ച് വഴിയാത്രക്കാരൻ മരിച്ചു. ബത്തേരി നഗരസഭയിലെ ജീവനക്കാരനും കാക്കവയല്‍ കൈപ്പാടംകുന്ന്‌ കൊട്ടോട്ടി പറമ്പില്‍ ശ്രീധരൻ്റെയും കുഞ്ഞു ലക്ഷ്മിയുടെയും മകനുമായ പ്രവീണ്‍ ആണ് മരിച്ചത്.

## Article Content

കൽപ്പറ്റ: മുട്ടില്‍ വാര്യാടിന് സമീപം നിയന്ത്രണം വിട്ട കാറിടിച്ച് വഴിയാത്രക്കാരൻ മരിച്ചു. ബത്തേരി നഗരസഭയിലെ ജീവനക്കാരനും കാക്കവയല്‍ കൈപ്പാടംകുന്ന്‌ കൊട്ടോട്ടി പറമ്പില്‍ ശ്രീധരൻ്റെയും കുഞ്ഞു ലക്ഷ്മിയുടെയും മകനുമായ പ്രവീണ്‍ ആണ് മരിച്ചത്.

പ്രവീണ്‍ പ്രഭാതസവാരി നടത്തുന്നതിനിടെയായിരുന്നു അപകടം. കോഴിക്കോട് സ്വദേശികള്‍ സഞ്ചരിച്ചിരുന്ന കാര്‍ നിയന്ത്രണം വിട്ട് പ്രവീണിനെ ഇടിച്ചിട്ട ശേഷം റോഡരികിലെ മരത്തില്‍ ഇടിച്ചു നില്‍ക്കുകയായിരുന്നു. ഇന്ന് രാവിലെ ആറരയോടെയാണ് സംഭവം. സാരമായി പരിക്കേറ്റ പ്രവീണിനെ കല്‍പ്പറ്റയിലെ സ്വകാര്യ ആശുപത്രിയിലെത്തിച്ചുവെങ്കിലും മരിച്ചിരുന്നു. അശ്വതിയാണ് പ്രവീണിന്റെ ഭാര്യ. ഒരു വയസുള്ള കുട്ടിയുമുണ്ട്.

### Related Links & Sources
- [Original Story Source](https://malayorashabdam.truevisionnews.com/news/71916/pedastrian-died)