---
title: "ആധാർ എൻറോൾമെന്റ് ജനന സർട്ടിഫിക്കറ്റുകൾ എല്ലാ സംസ്ഥാനങ്ങൾക്കും ലഭ്യമാക്കും"
english_title: "Adhar"
publisher: "malayorashabdam.in"
canonical_url: "https://malayorashabdam.truevisionnews.com/news/74717/adhar"
published_at: "2022-10-16T05:19:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/634b471e631da_Screenshot_20221016-051440.png"
keywords: []
---

# ആധാർ എൻറോൾമെന്റ് ജനന സർട്ടിഫിക്കറ്റുകൾ എല്ലാ സംസ്ഥാനങ്ങൾക്കും ലഭ്യമാക്കും

> **Lead Summary:** വരുന്ന മാസങ്ങളിൽ തന്നെ നവജാത ശിശുക്കൾക്കുളള ആധാർ എൻറോൾമെന്റ് ജനന സർട്ടിഫിക്കറ്റുകൾക്കൊപ്പം എല്ലാ സംസ്ഥാനങ്ങളിലും ലഭ്യമാകുമെന്ന് സൂചന.

## Article Content

വരുന്ന മാസങ്ങളിൽ തന്നെ നവജാത ശിശുക്കൾക്കുളള ആധാർ എൻറോൾമെന്റ് ജനന സർട്ടിഫിക്കറ്റുകൾക്കൊപ്പം എല്ലാ സംസ്ഥാനങ്ങളിലും ലഭ്യമാകുമെന്ന് സൂചന.

വരുന്ന മാസങ്ങളിൽ തന്നെ നവജാത ശിശുക്കൾക്കുളള ആധാർ എൻറോൾമെന്റ് ജനന സർട്ടിഫിക്കറ്റുകൾക്കൊപ്പം എല്ലാ സംസ്ഥാനങ്ങളിലും ലഭ്യമാകുമെന്ന് സൂചന. നിലവിൽ ഈ സൗകര്യം വാഗ്ദാനം ചെയ്യുന്ന 16 സംസ്ഥാനങ്ങളാണ് ഉള്ളത്. ഇത് എല്ലാ സംസ്ഥാനങ്ങളിലേക്കും വ്യാപിപ്പിക്കുമെന്ന് സർക്കാർ വൃത്തങ്ങളാണ് അറിയിച്ചത്. നിലവിൽ 16 സംസ്ഥാനങ്ങളിൽ ആധാറുമായി ബന്ധിപ്പിച്ച ജനന രജിസ്ട്രേഷനാണ് ഉള്ളത്. ആധാർ നമ്പർ നൽകുന്ന സർക്കാർ ഏജൻസിയായ യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യയാണ് (യുഐഡിഎഐ) അടുത്ത ഏതാനും മാസങ്ങൾക്കുള്ളിൽ എല്ലാ സംസ്ഥാനങ്ങൾക്കും ഈ സൗകര്യം ലഭ്യമാകുമെന്ന സൂചന നൽകിയിരിക്കുന്നത്.

അഞ്ച് വയസുള്ളവരെയുള്ള കുട്ടികളുടെ ബയോമെട്രിക്സ് എടുക്കില്ല. അവരുടെ മാതാപിതാക്കളുടെ യുഐഡിയുമായി ബന്ധിപ്പിച്ചിട്ടുള്ള ജനസംഖ്യാ വിവരങ്ങളുടെയും മുഖചിത്രത്തിന്റെയും അടിസ്ഥാനത്തിലായിരിക്കും അവരുടെ യുഐഡി പ്രോസസ്സ് ചെയ്യുന്നത്. കുട്ടിക്ക് അഞ്ചും 15-ഉം വയസ്സ് തികയുമ്പോൾ ബയോമെട്രിക് അപ്ഡേറ്റ് (പത്ത് വിരലുകൾ, ഐറിസ്, മുഖചിത്രം) ആവശ്യമായി വരും.1,000-ലധികം സംസ്ഥാന, കേന്ദ്ര ഗവൺമെന്റ് പദ്ധതികൾ ഇന്ന് ഗുണഭോക്താക്കളെ തിരിച്ചറിയുന്നതിനും പ്രാമാണീകരിക്കുന്നതിനും ആനുകൂല്യങ്ങൾ കൈമാറ്റം ചെയ്യുന്നതിനും ഡ്യൂപ്ലിക്കേഷൻ ഉറപ്പാക്കുന്നതിനും ഇത് സഹായിക്കും. ഇതിൽ 650 ഓളം സ്കീമുകൾ സംസ്ഥാന സർക്കാരുകളുടെയും 315 കേന്ദ്ര ഗവൺമെന്റ് നടത്തുന്ന സ്കീമുകളുടെയുമാണ്.

ഇതുവരെ 134 കോടി ആധാറുകൾ നൽകിയിട്ടുണ്ട്. കഴിഞ്ഞ വർഷം, ഈ 12 അക്ക ബയോമെട്രിക് ഐഡന്റിഫയറിന്റെ അപ്‌ഡേറ്റുകളും എൻറോൾമെന്റുകളും ഏകദേശം 20 കോടിയായി വർദ്ധിച്ചിരുന്നു. ഇതിൽ നാല് കോടിയും പുതിയ എൻറോൾമെന്റുകളാണ്, നവജാത ശിശുക്കളും 18 വയസ്സ് വരെയുള്ള കുട്ടികളും ഇതിൽ ഉൾപ്പെടുന്നു.

### Related Links & Sources
- [Original Story Source](https://malayorashabdam.truevisionnews.com/news/74717/adhar)