---
title: "മാരക മയക്കുമരുന്നുമായി യുവാവ് അറസ്റ്റിൽ"
english_title: "Arrested"
publisher: "malayorashabdam.in"
canonical_url: "https://malayorashabdam.truevisionnews.com/news/75212/arrested"
published_at: "2022-10-19T05:16:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/634f3b0af1ae5_Screenshot_20221019-051610.png"
keywords: []
---

# മാരക മയക്കുമരുന്നുമായി യുവാവ് അറസ്റ്റിൽ

> **Lead Summary:** **പാലക്കാട്: **മാരക മയക്കുമരുന്നുമായി യുവാവ് അറസ്റ്റിൽ. റെയിൽവേ സംരക്ഷണ സേനയും പാലക്കാട് എക്സൈസ് ആന്റി നർക്കോട്ടിക് സ്പെഷ്യൽ സ്കോഡും പാലക്കാട് ജംഗ്ഷൻ റെയിൽവേ സ്റ്റേഷനിൽ നടത്തിയ പരിശോധനയിലാണ് മാരക മയക്കുമരുന്നായ 20 ഗ്രാം മെത്തഫിറ്റമിനുമായി തൃശ്ശൂർ മുകുന്ദപുരം, കരച്ചിറ, മണ്ണമ്പറമ്പിൽ വീട്ടിൽ സായി കൃഷ്ണയെ അറസ്റ്റ് ചെയ്തത്.

## Article Content

**പാലക്കാട്: **മാരക മയക്കുമരുന്നുമായി യുവാവ് അറസ്റ്റിൽ. റെയിൽവേ സംരക്ഷണ സേനയും പാലക്കാട് എക്സൈസ് ആന്റി നർക്കോട്ടിക് സ്പെഷ്യൽ സ്കോഡും പാലക്കാട് ജംഗ്ഷൻ റെയിൽവേ സ്റ്റേഷനിൽ നടത്തിയ പരിശോധനയിലാണ് മാരക മയക്കുമരുന്നായ 20 ഗ്രാം മെത്തഫിറ്റമിനുമായി തൃശ്ശൂർ മുകുന്ദപുരം, കരച്ചിറ, മണ്ണമ്പറമ്പിൽ വീട്ടിൽ സായി കൃഷ്ണയെ അറസ്റ്റ് ചെയ്തത്.

ബംഗളൂരുവിൽ നിന്ന് മയക്കുമരുന്ന് വാങ്ങി തൃശ്ശൂർ ജില്ലയിലെ സ്കൂൾ കോളേജ് വിദ്യാർത്ഥികൾക്ക് വിൽപ്പന നടത്തുന്ന സംഘത്തിലെ പ്രധാന കണ്ണിയാണ്  പ്രതി എന്നാണ് പ്രാഥമിക അന്വേഷണത്തിൽ ലഭിച്ച വിവരം. ബംഗളൂരുവിൽ നിന്ന് മയക്കുമരുന്ന് വാങ്ങി ബസ് മാർഗം കോയമ്പത്തൂരിലെത്തുകയും അവിടെനിന്ന് ട്രെയിൻ മാർഗ്ഗം പാലക്കാട് ജംഗ്ഷൻ റെയിൽവേ സ്റ്റേഷനിൽ വന്ന് ഇറങ്ങി തൃശ്ശൂരിലേക്ക് റോഡ് മാർഗ്ഗം മയക്കുമരുന്ന് കടത്തികൊണ്ട് പോകുവാൻ ശ്രമിച്ചപ്പോഴാണ് പ്രതി റെയിൽവേ സ്റ്റേഷനിൽ വച്ച് പിടിയിൽ ആവുന്നത്.

പ്രതിക്ക് മയക്കുമരുന്ന് നൽകിയവരെ പറ്റിയും പ്രതിയിൽ നിന്നും മയക്കു വാങ്ങുന്നവരെ പറ്റിയുമുള്ള വിശദമായ  അന്വേഷണം ആരംഭിച്ചു.

ആർ പി എഫ് സിഐ  സൂരജ് എസ്. കുമാർ, എക്സൈസ് സർക്കിൾ ഇൻസ്പെക്ടർ എം സുരേഷ്,  അസി സബ് ഇൻസ്‌പെക്ടർമാരായ സജി അഗസ്റ്റിൻ, കെ സുനിൽ, ഹെഡ് കോൺസ്റ്റബിൾമാരായ  എ രാജേന്ദ്രൻ, അനിൽ കുമാർ, വീണ ഗണേഷ്. എക്സൈസ് പ്രിവന്റ്റ്റീവ് ഓഫീസർ ടിപി  മണികണ്ഠൻ, സിഇഒ-മാരായ  ഷാബു , ബെൻസൺ ജോർജ്, ശരവണൻ, വിഷ്ണു എന്നിവരാണ് പരിശോധനാ സംഘത്തിൽ ഉണ്ടായിരുന്നത്.

### Related Links & Sources
- [Original Story Source](https://malayorashabdam.truevisionnews.com/news/75212/arrested)