---
title: "അഖിലേന്ത്യാ ജനാധിപത്യ മഹിളാ അസോസിയേഷൻ ജില്ലാ സമ്മേളനം ബുധനാഴ്ച്ച തുടങ്ങും"
english_title: "The district conference of the All India Democratic Women's Association will begin on Wednesday."
publisher: "malayorashabdam.in"
canonical_url: "https://malayorashabdam.truevisionnews.com/news/77785/the-district-conference-of-the-all-india-democratic-womens-association-will-begin-on-wednesday"
published_at: "2022-10-31T15:40:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/635f9f2e19baf_Picsart_22-10-31_15-38-04-487.jpg"
keywords: []
---

# അഖിലേന്ത്യാ ജനാധിപത്യ മഹിളാ അസോസിയേഷൻ ജില്ലാ സമ്മേളനം ബുധനാഴ്ച്ച തുടങ്ങും

> **Lead Summary:** കൽപ്പറ്റ:അഖിലേന്ത്യാ ജനാധിപത്യ മഹിളാ അസോസിയേഷൻ ജില്ലാ സമ്മേളനം ബുധൻ, വ്യാഴം ദിവസങ്ങളിൽ കൽപ്പറ്റയിൽ നടക്കുമെന്ന്‌ ഭാരവാഹികൾ വാർത്താസമ്മേളനത്തിൽ അറിയിച്ചു. പൊതുസമ്മേളന നഗരിയിൽ ചൊവ്വാഴ്‌ച വൈകീട്ട്‌ കൊടി ഉയരും. കൽപ്പറ്റ തിരുഹൃദയ പള്ളി ഓഡിറ്റോറിയത്തിൽ (കാർത്യായനി അമ്മ നഗർ) ബുധൻ രാവിലെ പത്തിന്‌ പ്രതിനിധി സമ്മേളനം അഖിലേന്ത്യ വൈസ്‌ പ്രസിഡന്റ്‌ പി കെ ശ്രീമതി ഉദ്‌ഘാടനം ചെയ്യും. വ്യാഴാഴ്‌ച പ്രകടനവും പൊതുസമ്മേളനവും നടക്കും.

## Article Content

കൽപ്പറ്റ:അഖിലേന്ത്യാ ജനാധിപത്യ മഹിളാ അസോസിയേഷൻ ജില്ലാ സമ്മേളനം ബുധൻ, വ്യാഴം ദിവസങ്ങളിൽ കൽപ്പറ്റയിൽ നടക്കുമെന്ന്‌ ഭാരവാഹികൾ വാർത്താസമ്മേളനത്തിൽ അറിയിച്ചു. പൊതുസമ്മേളന നഗരിയിൽ ചൊവ്വാഴ്‌ച വൈകീട്ട്‌ കൊടി ഉയരും. കൽപ്പറ്റ തിരുഹൃദയ പള്ളി ഓഡിറ്റോറിയത്തിൽ (കാർത്യായനി അമ്മ നഗർ) ബുധൻ രാവിലെ പത്തിന്‌ പ്രതിനിധി സമ്മേളനം അഖിലേന്ത്യ വൈസ്‌ പ്രസിഡന്റ്‌ പി കെ ശ്രീമതി ഉദ്‌ഘാടനം ചെയ്യും. വ്യാഴാഴ്‌ച പ്രകടനവും പൊതുസമ്മേളനവും നടക്കും.

അഖിലേന്ത്യാ അസി. സെക്രട്ടറി എൻ സുകന്യ പൊതുസമ്മേളനം ഉദ്ഘാടനംചെയ്യും. 1,09,324 അംഗങ്ങളെ പ്രതിനീധികരിച്ച്‌ 255 പ്രതിനിധികൾ സമ്മേളനത്തിൽ പങ്കെടുക്കും. സംസ്ഥാന പ്രസിഡന്റ്‌ സൂസൻ കോടി, ട്രഷറർ ഇ പത്‌മാവതി എന്നിവരും സമ്മേളനത്തിൽ പങ്കെടുക്കും.

   സമ്മേളനത്തിന്റെ ഭാഗമായുള്ള പതാക, കൊടിമര ജാഥകൾ ചൊവ്വാഴ്ച പ്രയാണം ആരംഭിക്കും. കൊടിമര ജാഥ പകൽ 12ന്‌ അച്ചൂരാനത്ത്‌ കാർത്യായനി അമ്മ സ്മൃതി മണ്ഡപത്തിൽ സിഐടിയു ജില്ലാ പ്രസിഡന്റ്‌ പി വി സഹദേവൻ ഉദ്‌ഘാടനം ചെയ്യും. മഹിളാഅസോസിയേഷൻ ജില്ലാ പ്രസിഡന്റ്‌ പി ആർ നിർമല ജാഥ നയിക്കും. പതാകജാഥ മേപ്പാടിയിലെ ജാനകിയമ്മ സ്മൃതി മണ്ഡപത്തിൽ എൻആർഇജിഎ വർക്കേഴ്‌സ്‌ യൂണിയൻ ജില്ലാ സെക്രട്ടറി എ എൻ പ്രഭാകരൻ ഉദ്‌ഘാടനം ചെയ്യും. മഹിളാഅസോസിയേഷൻ ജില്ലാ സെക്രട്ടറി ബീനാ വിജയൻ പതാകജാഥ നയിക്കും. ഇരുജാഥകളും വൈകീട്ട്‌ 5-30ന്‌ കൽപ്പറ്റ ആനപ്പാലത്ത്‌ സംഗമിക്കും. തുടർന്ന്‌ ‌പ്രകടനമായെത്തി പൊതുസമ്മേളന നഗരിയായ വിജയപമ്പ്‌ പരിസരത്ത്‌(എം സി ജോസഫൈൻ നഗർ) കൊടി ഉയർത്തും. സ്വാഗതസംഘം ചെയർമാൻ വി ഹാരീസ്‌, കൺവീനർ ടി ജി ബീന, പി ആർ നിർമല, ബീനാ വിജയൻ എന്നിവർ വാർത്താസമ്മേളനത്തിൽ പങ്കെടുത്തു.

### Related Links & Sources
- [Original Story Source](https://malayorashabdam.truevisionnews.com/news/77785/the-district-conference-of-the-all-india-democratic-womens-association-will-begin-on-wednesday)