---
title: "സംസ്ഥാനത്തെ വിഎച്ച്എസ്ഇ സ്കൂളുകളിൽ ഇനി ശനിയാഴ്ച അവധി "
english_title: "Vhsc"
publisher: "malayorashabdam.in"
canonical_url: "https://malayorashabdam.truevisionnews.com/news/87050/vhsc"
published_at: "2022-12-24T20:49:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63a7190911c24_images_-_2022-12-24T205107.152.jpeg"
keywords: []
---

# സംസ്ഥാനത്തെ വിഎച്ച്എസ്ഇ സ്കൂളുകളിൽ ഇനി ശനിയാഴ്ച അവധി 

> **Lead Summary:** **തിരുവനന്തപുരം**: സംസ്ഥാനത്തെ വൊക്കേഷണൽ ഹയർസെക്കണ്ടറി സ്കൂളുകളിൽ ഇനി ശനിയാഴ്ച അവധി. നിലവിൽ ആഴ്ചയിൽ ആറ് ദിവസങ്ങളിലും വിഎച്ച്എസ്ഇ ക്ലാസുകളിൽ അധ്യയനം നടക്കുന്നുണ്ട്. ഇപ്പോൾ ശനിയാഴ്ച അവധി നൽകി കൊണ്ടാണ് അധ്യയന ദിവസങ്ങൾ അഞ്ചായി ചുരുക്കിയത്. വിദ്യാർത്ഥികളുടെ ദീർഘനാളത്തെ ആവശ്യമാണ് സർക്കാർ ഇപ്പോൾ അംഗീകരിച്ചിരിക്കുന്നത്.

## Article Content

**തിരുവനന്തപുരം**: സംസ്ഥാനത്തെ വൊക്കേഷണൽ ഹയർസെക്കണ്ടറി സ്കൂളുകളിൽ ഇനി ശനിയാഴ്ച അവധി. നിലവിൽ ആഴ്ചയിൽ ആറ് ദിവസങ്ങളിലും വിഎച്ച്എസ്ഇ ക്ലാസുകളിൽ അധ്യയനം നടക്കുന്നുണ്ട്. ഇപ്പോൾ ശനിയാഴ്ച അവധി നൽകി കൊണ്ടാണ് അധ്യയന ദിവസങ്ങൾ അഞ്ചായി ചുരുക്കിയത്. വിദ്യാർത്ഥികളുടെ ദീർഘനാളത്തെ ആവശ്യമാണ് സർക്കാർ ഇപ്പോൾ അംഗീകരിച്ചിരിക്കുന്നത്.

ആഴ്ചയിൽ ആറ് ദിവസവും അധ്യയനം നടത്തുന്നത് കുട്ടികളിൽ പഠനഭാരവും മാനസികസംഘർഷവും സൃഷ്ടിക്കുന്നതായി നേരത്തെ മുതൽ പരാതി ഉണ്ടായിരുന്നു.  പുതുക്കിയ ദേശയ നൈപുണ്യ യോഗ്യ ചട്ടക്കൂട് പ്രകാരം കോഴ്സുകളുടെ അധ്യയന സമയം 1120 മണിക്കൂറിൽ നിന്നും 600 മണിക്കൂറായി കുറച്ചിരുന്നു. പക്ഷേ ഈ മാറ്റം പരിഗണിക്കാതെ സംസ്ഥാനത്തെ വിഎച്ച്എസ്ഇ സ്കൂളുകളിൽ ആഴ്ചയിൽ ആറ് ദിവസവും ക്ലാസുകൾ നടന്നു വരികയായിരുന്നു. പീരിയഡുകളുടെ ദൈർഘ്യം ഒരു മണിക്കൂറായി നിലനിർത്തി കൊണ്ടാവും ശനിയാഴ്ച ദിവസത്തെ അധ്യയനം ഒഴിവാക്കുക.

### Related Links & Sources
- [Original Story Source](https://malayorashabdam.truevisionnews.com/news/87050/vhsc)