---
title: "എസ് എസ് എഫ് ജില്ലാ റാലി പ്രൗഢം: ഹരിത ധവള നീലിമയണിഞ്ഞ് മാനന്തവാടി "
english_title: "Manathavady"
publisher: "malayorashabdam.in"
canonical_url: "https://malayorashabdam.truevisionnews.com/news/87922/manathavady"
published_at: "2022-12-30T05:34:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63ae2b3228ebe_IMG-20221229-WA0185.jpg"
keywords: []
---

# എസ് എസ് എഫ് ജില്ലാ റാലി പ്രൗഢം: ഹരിത ധവള നീലിമയണിഞ്ഞ് മാനന്തവാടി 

> **Lead Summary:** **മാനന്തവാടി : ** പുരോഗമനത്തിന്റെ വേഷം കെട്ടിയും സ്വതന്ത്ര ചിന്തകൾ കുത്തിനിറച്ചും ശോഭന ഭാവി സ്വപ്നം കാണേണ്ട വിദ്യാർത്ഥികളെ മയക്കി കിടത്താൻ ശ്രമിക്കുന്ന ലഹരി മാഫികൾക്കെതിരെ സമരാഹ്വാനം മുഴക്കി എസ് എസ് എഫ് വയനാട് ജില്ലാ റാലി മാനന്തവാടിയിൽ സമാപിച്ചു. എസ് എസ് എഫ് ഗോൾഡൻ ഫിഫ്റ്റി കേരള വിദ്യാർത്ഥി സമ്മേളനത്തിൻ്റെ ഭാഗമായി 'നമ്മൾ ഇന്ത്യൻ ജനത ' എന്ന പ്രമേയത്തിൽ നടത്തിയ ജില്ലാ റാലി മാനന്തവാടിക്ക് നവ്യാനുഭവമായി .

## Article Content

**മാനന്തവാടി : ** പുരോഗമനത്തിന്റെ വേഷം കെട്ടിയും സ്വതന്ത്ര ചിന്തകൾ കുത്തിനിറച്ചും ശോഭന ഭാവി സ്വപ്നം കാണേണ്ട വിദ്യാർത്ഥികളെ മയക്കി കിടത്താൻ ശ്രമിക്കുന്ന ലഹരി മാഫികൾക്കെതിരെ സമരാഹ്വാനം മുഴക്കി എസ് എസ് എഫ് വയനാട് ജില്ലാ റാലി മാനന്തവാടിയിൽ സമാപിച്ചു. എസ് എസ് എഫ് ഗോൾഡൻ ഫിഫ്റ്റി കേരള വിദ്യാർത്ഥി സമ്മേളനത്തിൻ്റെ ഭാഗമായി 'നമ്മൾ ഇന്ത്യൻ ജനത ' എന്ന പ്രമേയത്തിൽ നടത്തിയ ജില്ലാ റാലി മാനന്തവാടിക്ക് നവ്യാനുഭവമായി .

ജില്ലയിലെ 5 ഡിവിഷനുകളിൽ നിന്നുള്ള ഐൻടീം അംഗങ്ങളടങ്ങുന്ന രണ്ടായിരത്തോളം വിദ്യാർഥികൾ റാലിയുടെ ഭാഗമായി . വൈകിട്ട് നാലിന് താഴങ്ങാടി നിന്ന് ആരംഭിച്ച് നഗരം ചുറ്റി ഗാന്ധി പാർക്ക് മൈതാനിയിൽ സമാപിച്ചു. പ്രത്യേക യൂനിഫോമിലാണ് ഐൻ ടീം അംഗങ്ങൾ റാലിയിൽ അണിനിരന്നത്. റാലിക്ക് പുതിയ ജില്ലാ ഭാരവാഹികൾ നേത്യത്വം നൽകി. തുടർന്ന് ഗാന്ധി പാർക്ക് മൈതാനിയിൽ നടന്ന സമാപന പൊതു സമ്മേളനം എസ്എസ്എഫ് സംസ്ഥാന എക്സിക്യൂട്ടീവ് അംഗം സ്വാബിർ സഖാഫി ഉദ്ഘാടനം ചെയ്തു. ദേശീയ എക്സിക്യൂട്ടീവ് അംഗം സി കെ റാഷിദ് ബുഖാരി മുഖ്യ പ്രഭാഷണം നടത്തി. പുതിയ ജില്ലാ ഭാരവാഹികളെ കേരള മുസ്ലിം ജമാഅത്ത് ജില്ലാ ജനറൽ സെക്രട്ടറി എസ് ഷറഫുദ്ദീൻ അഞ്ചാംപീടിക പ്രഖ്യാപിച്ചു. കെ എസ് മുഹമ്മദ് സഖാഫി, മുഹമ്മദലി സഖാഫി പുറ്റാട്, മുഹമ്മദ് സഈദ് ഷാമിൽ ഇർഫാനി സംസാരിച്ചു. കെ കെ മുഹമ്മദലി ഫൈസി, മജീദ് മാസ്റ്റർ തലപ്പുഴ, ഡോ. ഇർഷാദ്, ഷമീർ ബാക്കവി, ഫള്‌ലുൽ ആബിദ്, ജസീൽ പരിയാരം സംബന്ധിച്ചു. നൗഫൽ പിലാക്കാവ് സ്വാഗതവും ഹാരിസ് റഹ്മാൻ വാര്യാട് നന്ദിയും പറഞ്ഞു. ഫോട്ടോ അടിക്കുറിപ്പ്: എസ് എസ് എഫ് ഗോൾഡൻ ഫിഫ്റ്റി പ്രതിനിധി സമ്മേളനത്തിന്റെ മുന്നോടിയായി മാനന്തവാടിയിൽ നടന്ന ജില്ലാ വിദ്യാർഥി റാലി Contact : 9947080976 8606880976

### Related Links & Sources
- [Original Story Source](https://malayorashabdam.truevisionnews.com/news/87922/manathavady)