കണ്ണൂർ: പുതിയ തലമുറയെ ഗാന്ധിയെ കുറിച്ച് വീണ്ടും പഠിപ്പിക്കേണ്ട സാഹചര്യമാണ് നാട്ടിൽ നില നിൽക്കുന്നതെന്ന് സി പി ഐ എം കണ്ണൂർ ജില്ലാ സെക്രട്ടറി എം വി ജയരാജൻ പറഞ്ഞു. പ്രമുഖ ഗാന്ധിയനും, സ്വാതന്ത്ര്യസമര സേനാനിയുമായ പത്മ ശ്രീ വി പി അപ്പുക്കുട്ട പൊതുവാളെ സ്വവസതിയിൽ സന്ദർശിക്കുകയായിരുന്നു അദ്ദേഹം.
ഗാന്ധി വധിക്കപ്പെട്ടതല്ല, ആത്മഹത്യ ചെയ്യുകയാണ് എന്ന് സ്കൂൾ വിദ്യാർത്ഥികൾക്ക് പറഞ്ഞ് നൽകുന്ന ഈ കാലത്ത് പുതു തലമുറയെ ഗാന്ധിയെ ക്കുറിച്ച് വീണ്ടും പഠിപ്പിക്കേണ്ട സാഹചര്യമാണ് എന്ന് എം വി ജയരാജൻ പറഞ്ഞു. പത്മശ്രീ പുരസ്കാരം നേടിയ വി പി അപ്പുക്കുട്ട പൊതുവാളെ അദ്ദേഹം പൊന്നാടയണിയിച്ച് ആദരിച്ചു. ടി വി രാജേഷ്, അഡ്വ പി സന്തോഷ്, പോത്തേര കൃഷ്ണൻ, പി ശ്യാമള തുടങ്ങിയവർ അദ്ദേഹത്തെ അനുഗമിച്ചു.
M V jayarajan