---
title: "ഇന്ത്യൻ വിദ്യാർഥികൾക്ക് കെയർ ഹോമിൽ അടിമപ്പണി: 5 മലയാളികൾ അറസ്റ്റിൽ"
english_title: "Slave labor in care home for Indian students"
publisher: "malayorashabdam.in"
canonical_url: "https://malayorashabdam.truevisionnews.com/news/96251/slave-labor-in-care-home-for-indian-students"
published_at: "2023-02-11T10:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63e72c175d5ff_arrest-_(1).jpg"
keywords: []
---

# ഇന്ത്യൻ വിദ്യാർഥികൾക്ക് കെയർ ഹോമിൽ അടിമപ്പണി: 5 മലയാളികൾ അറസ്റ്റിൽ

> **Lead Summary:** **ലണ്ടൻ**: നോർത്ത് വെയിൽസിലെ കെയർഹോമുകളിൽ അൻപതോളം ഇന്ത്യൻ വിദ്യാർഥികളെ ശമ്പളമില്ലാതെ അടിമപ്പണി ചെയ്യിച്ച 5 മലയാളികളെ യുകെ സർക്കാർ ഏജൻസി അറസ്റ്റ് ചെയ്തു. കെണിയിൽ പെട്ട വിദ്യാർഥികളിലും മലയാളികളുണ്ട്. നോർത്ത് വെയിൽസിൽ കെയർ ഹോമുകളുമായി ബന്ധപ്പെട്ടു പ്രവർത്തിച്ചിരുന്ന മലയാ ളികളായ മാത്യു ഐസക് , ജിനു ചെറിയാൻ, എൽദോസ് ചെറിയാൻ, എൽദോസ് കുര്യച്ചൻ , ജേക്കബ് ലിജു എന്നിവരാണ് അറസ്റ്റിലാ യത്.

## Article Content

**ലണ്ടൻ**: നോർത്ത് വെയിൽസിലെ കെയർഹോമുകളിൽ അൻപതോളം ഇന്ത്യൻ വിദ്യാർഥികളെ ശമ്പളമില്ലാതെ അടിമപ്പണി ചെയ്യിച്ച 5 മലയാളികളെ യുകെ സർക്കാർ ഏജൻസി അറസ്റ്റ് ചെയ്തു. കെണിയിൽ പെട്ട വിദ്യാർഥികളിലും മലയാളികളുണ്ട്. നോർത്ത് വെയിൽസിൽ കെയർ ഹോമുകളുമായി ബന്ധപ്പെട്ടു പ്രവർത്തിച്ചിരുന്ന മലയാ ളികളായ മാത്യു ഐസക് , ജിനു ചെറിയാൻ, എൽദോസ് ചെറിയാൻ, എൽദോസ് കുര്യച്ചൻ , ജേക്കബ് ലിജു എന്നിവരാണ് അറസ്റ്റിലാ യത്.

തൊഴിൽ ചൂഷണം സംബന്ധിച്ച വിവരങ്ങൾ സമാഹരിക്കുകയും അന്വേഷണം നടത്തുകയും ചെയ്യുന്ന ഗാങ്മാസ്റ്റേഴ്സ് ആൻഡ് ലേബർ എബ്യൂസ് അതോറിറ്റി ഇവർക്കെതിരെ കഴിഞ്ഞ ദിവസം കോടതി ഉത്തരവ് നേടിയെടുത്തു. ശമ്പളമോ ഭക്ഷണമോ വിശ്രമമോ ഇല്ലാതെ വിദ്യാർഥികൾ ദയനീയ അവസ്ഥ യിലായിരുന്നെന്നാണ് അതോറിറ്റിയുടെ അന്വേഷണ റിപ്പോർട്ട്.

ശമ്പളം നൽകാതിരുന്നും പിടിച്ചു വച്ചും ക്രൂരമായ തൊഴിൽ ചൂഷണമാണ് നടന്നത്. മറ്റൊരു രാജ്യ ത്തുനിന്ന് എത്തിച്ചതിനാൽ മനുഷ്യക്കടത്തും ഉൾപ്പെടും. അടിമപ്പണി ചെയ്യാൻ നിർബന്ധിതരായ അൻപതോളം പേരെക്കുറിച്ചു വിവരം കിട്ടിയതായി അതോറിറ്റി അറിയിച്ചു.

### Related Links & Sources
- [Original Story Source](https://malayorashabdam.truevisionnews.com/news/96251/slave-labor-in-care-home-for-indian-students)