---
title: "ജിഎസ്‌ടി കൗൺസിൽ യോഗം ഇന്ന് ദില്ലിയിൽ; കെഎൻ ബാലഗോപാൽ പങ്കെടുക്കും"
english_title: "GST Council meeting in Delhi today"
publisher: "malayorashabdam.in"
canonical_url: "https://malayorashabdam.truevisionnews.com/news/97888/gst-council-meeting-in-delhi-today"
published_at: "2023-02-18T11:22:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63f068e0ac996_Screenshot_2023-02-18-11-16-52-58_439a3fec0400f8974d35eed09a31f914.jpg"
keywords: []
---

# ജിഎസ്‌ടി കൗൺസിൽ യോഗം ഇന്ന് ദില്ലിയിൽ; കെഎൻ ബാലഗോപാൽ പങ്കെടുക്കും

> **Lead Summary:** **ദില്ലി**: ജിഎസ്ടി കൗൺസിൽ യോഗം ഇന്ന് ദില്ലിയിൽ ചേരും. പാൻ മസാല, ഗുഡ്ക്ക എന്നിവയിലെ നികുതി വെട്ടിപ്പ് തടയുന്നത് സംബന്ധിച്ച മന്ത്രിതല റിപ്പോർട്ട് യോഗം ചർച്ച ചെയ്യും. ജിഎസ്ടി പരാതികൾക്കായുള്ള ട്രൈബ്യൂണൽ ഏർപ്പെടുത്തുന്നത് സംബന്ധിച്ചും ചർച്ച നടക്കും.

## Article Content

**ദില്ലി**: ജിഎസ്ടി കൗൺസിൽ യോഗം ഇന്ന് ദില്ലിയിൽ ചേരും. പാൻ മസാല, ഗുഡ്ക്ക എന്നിവയിലെ നികുതി വെട്ടിപ്പ് തടയുന്നത് സംബന്ധിച്ച മന്ത്രിതല റിപ്പോർട്ട് യോഗം ചർച്ച ചെയ്യും. ജിഎസ്ടി പരാതികൾക്കായുള്ള ട്രൈബ്യൂണൽ ഏർപ്പെടുത്തുന്നത് സംബന്ധിച്ചും ചർച്ച നടക്കും.

സിമൻറ് ജിഎസ്ടി കുറയ്ക്കുന്നത്, ഓൺലൈൻ ഗെയിം നികുതി എന്നിവയും യോഗം പരിഗണിച്ചേക്കും. അതേസമയം എജി സാക്ഷ്യപ്പെടുത്തിയ ജിഎസ്ടി നഷ്ടപരിഹാര കണക്കുകൾ കേരളം നൽകിയിട്ടില്ലെന്ന കേന്ദ്ര ധന മന്ത്രിയുടെ വിമർശനത്തിന് പിന്നാലെയാണ് യോഗം ചേരുന്നത്.

വിഷയത്തിലെ സംസ്ഥാനത്തിന്റെ വിശദീകരണം യോഗത്തിൽ ധനമന്ത്രി കെ എൻ ബാലഗോപാൽ ഉന്നയിച്ചേക്കും. 49-താമത് ജിഎസ്ടി യോഗം ധനമന്ത്രി നിർമ്മല സീതാരാമൻറെ അധ്യക്ഷതയിലാണ് ചേരുന്നത്.

### Related Links & Sources
- [Original Story Source](https://malayorashabdam.truevisionnews.com/news/97888/gst-council-meeting-in-delhi-today)