കെ.എസ്​.യു സെക്ര​ട്ടേറിയേറ്റ്​ മാർച്ചിൽ സംഘർഷം; പൊലീസ്​ ലാത്തിവീശി, നിരവധി പ്രവർത്തകർക്ക്​ പരിക്ക്​

By | Thursday February 18th, 2021

SHARE NEWS

തിരുവനന്തപുരം: പിൻവാതിൽ നിയമനങ്ങൾക്കെതിരെ കെ.എസ്​.യു നടത്തിയ സെക്രട്ടറിയേറ്റ്​ മാർച്ചിൽ സംഘർഷം. സെക്രട്ടറിയേറ്റിന്‍റെ മതിൽ ചാടിക്കടക്കാൻ ശ്രമിച്ച കെ.എസ്​.യു പ്രവർത്തകരെ പൊലീസ്​ തടഞ്ഞു.

പൊലീസും പ്രവർത്തകരും തമ്മിൽ ഉന്തും തള്ളുമുണ്ടായി. പ്രവർത്തകർ കസേരയുൾപ്പെടെയുള്ള സാധനങ്ങൾ സെക്രട്ടറിയേറ്റ്​ വളപ്പിലേക്ക്​ വലിച്ചെറിഞ്ഞു. മാർച്ച്​ അക്രമാസക്തമായതോടെ പൊലീസ്​ ജലപീരങ്കി പ്രയോഗിക്കുകയും ലാത്തി വീശുകയും ചെയ്​തു. കെ.എസ്​.യു സംസ്ഥാന അധ്യക്ഷൻ കെ.എം. അഭിജിത്ത്​ ഉൾപ്പെടെ നിരവധി പ്രവർത്തകർക്ക്​ പരിക്കേറ്റു. വൈസ്​ പ്രസിഡന്‍റ്​ സ്​നേഹ, സംസ്ഥാന സെക്രട്ടറി ബാഹുൽ കൃഷ്​ണ ഉൾപ്പെടെയുള്ളവർക്കും പരിക്കേറ്റു. കെ.എസ്​.യു​ പ്രവർത്തകരുടെ ആ​​ക്രമണത്തിൽ പൊലീസുകാർക്കും പരിക്കേറ്റിട്ടുണ്ട്​.

യുണിഫോമിൽ നെയിം ​പ്ലേറ്റ്​ പോലുമില്ലാത്ത പൊലീസുകാരാണ്​ പ്രവർത്തകരെ മർദിച്ചതെന്നും ഇവർ പൊലീസ്​ വേഷത്തിലെത്തിയ ഡി.വൈ.എഫ്​.ഐ പ്രവർത്തകരാണെന്നും ​െക.എസ്​.യു നേതാക്കൾ ആരോപിച്ചു. കെ.എസ്​.യു പ്രവർത്തകർ സെക്രട്ടറിയേറ്റിന്​ മുമ്പിൽ റോഡ്​ ഉപരോധിക്കുകയും ചെയ്തു

English summary
ചുവടെ കൊടുക്കുന്ന അഭിപ്രായങ്ങള്‍ മലയോര ശബ്ദത്തിന്റേത്ല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്

Send News:

Also Read