---
title: "സംവിധായകൻ രഞ്ജിത്തിൻ്റെ മുൻകൂർ ജാമ്യാപേക്ഷ തീർപ്പാക്കി ഹൈക്കോടതി"
english_title: "Kochi "
publisher: "malayorashabdam.in"
canonical_url: "https://malayorashabdam.truevisionnews.com/news/233299/kochi"
published_at: "2024-09-05T06:10:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66d8fe233caa2_Screenshot_20240824-100609_WhatsAppBusiness.jpg"
keywords: []
---

# സംവിധായകൻ രഞ്ജിത്തിൻ്റെ മുൻകൂർ ജാമ്യാപേക്ഷ തീർപ്പാക്കി ഹൈക്കോടതി

> **Lead Summary:** **കൊച്ചി** : സംവിധായകൻ രഞ്ജിത്തിൻ്റെ മുൻകൂർ ജാമ്യാപേക്ഷ തീർപ്പാക്കി ഹൈക്കോടതി. ബം​ഗാളി നടിയുടെ പരാതിയിലെടുത്ത കേസിലെ ജാമ്യാപേക്ഷയാണ് ഹൈക്കോടതി തീർപ്പാക്കിയിരിക്കുന്നത്.

## Article Content

**കൊച്ചി** : സംവിധായകൻ രഞ്ജിത്തിൻ്റെ മുൻകൂർ ജാമ്യാപേക്ഷ തീർപ്പാക്കി ഹൈക്കോടതി. ബം​ഗാളി നടിയുടെ പരാതിയിലെടുത്ത കേസിലെ ജാമ്യാപേക്ഷയാണ് ഹൈക്കോടതി തീർപ്പാക്കിയിരിക്കുന്നത്.

നിലവിൽ ചുമത്തിയിരിക്കുന്ന കുറ്റങ്ങൾ ജാമ്യം ലഭിക്കുന്നതായതിനാലാണ് നടപടി. ഇന്ത്യൻ ശിക്ഷാ നിയമത്തിലെ (ഐപിസി) 354-ാം വകുപ്പ് പ്രകാരമുള്ള കുറ്റമാണ് സംവിധായകനെതിരെ ചുമത്തിയിരിക്കുന്നത്. 2009-ൽ നടന്ന സംഭവമായതിനാൽ ഐപിസി 354-ാം വകുപ്പ് (സ്ത്രീയുടെ മാന്യതയെ പ്രകോപിപ്പിക്കാനുള്ള ബലപ്രയോഗം) ജാമ്യമില്ലാ കുറ്റമാക്കിയത് 2013-ൽ മാത്രമാണ്.

ആയതിനാലാണ് ഈ വകുപ്പിന്മേൽ ഇപ്പോൾ ജാമ്യമില്ലാ വകുപ്പ് നിലനിൽക്കാത്തത്. അതുകൊണ്ടുതന്നെ കേസിൽ രഞ്ജിത്തിന് ജാമ്യം ലഭിക്കാവുന്നതാണ്. അതായത് രഞ്ജിത്തിൻ്റെ ജാമ്യത്തിന് കോടതിയുടെ അനുമതി ആവശ്യമില്ല, പോലീസിന് അദ്ദേഹത്തെ സ്റ്റേഷൻ ജാമ്യത്തിൽ വിട്ടയക്കാം. ഈ വാദം പ്രോസിക്യൂഷൻ്റെ സബ്മിഷൻ രേഖപ്പെടുത്തിയ ശേഷമാണ് രഞ്ജിത്തിൻ്റെ മുൻകൂർ ജാമ്യാപേക്ഷ കോടതി അവസാനിപ്പിക്കുന്നത്. രഞ്ജിത്തിന് വേണ്ടി മുതിർന്ന അഭിഭാഷകൻ പി വിജയഭാനു ഹാജരായപ്പോൾ പബ്ലിക് പ്രോസിക്യൂട്ടറായി ഹൃത്വിക് ഹാജരായി.

### Related Links & Sources
- [Original Story Source](https://malayorashabdam.truevisionnews.com/news/233299/kochi)