ഇരിട്ടി: മാലിന്യ മുക്ത നവകേരളം ജനകീയ ക്യാമ്പയൻ്റെ ഭാഗമായി വീർപ്പാട് സെൻ്റ് സെബാസ്റ്റ്യൻസ് യുപി സ്കൂളിനെ ശുചിത്വ ഹരിത വിദ്യാലയമായി പ്രഖ്യാപിച്ചു. ആറളം ഗ്രാമ പഞ്ചായത്ത് പ്രസിഡന്റ് കെ.പി. രാജേഷ് പ്രഖ്യാപണം നടത്തി. സ്കൂൾ മാനേജർ ഫാ. മാർട്ടിൻ കിഴക്കേതലയ്ക്കൽ അധ്യക്ഷത വഹിച്ചു . സമ്മേളനത്തിൽ ഹരിത കർമ്മ സേനാംഗങ്ങളായ ജിഷ , ഷീബ എന്നിവരെ ആദരിച്ചു. ആറളം ഗ്രാമപഞ്ചായത്ത് ഹെൽത്ത് ഇൻസ്പെക്ടർപി.കെ. സബിത മാലിന്യ മുക്ത നവ കേരള പ്രതിജ്ഞ ചൊല്ലി കൊടുത്തു. പ്രധാന അധ്യാപിക ജയ മാത്യു, പഞ്ചായത്ത് അംഗം യു.എസ്. ബിന്ദു, പിടിഎ പ്രസിഡന്റ് ജിൽസ് മുള്ളൻകുഴി, എം പി ടി എ പ്രസിഡന്റ് അനില, ജോസ് ടോം, ജിഷ, ഷീബ ജിജി, സ്റ്റാഫ് സെക്രട്ടറി സാബു ജോസഫ് എന്നിവർ സംസാരിച്ചു.
iritty
.jpeg)
