കലാരംഗത്ത് വിദേശ സംസ്കാരത്തെ അനുകരിക്കുന്നത് യുവതലമുറ ഒഴിവാക്കണം: കെ.മുരളീധരൻ എം പി.

 കലാരംഗത്ത് വിദേശ സംസ്കാരത്തെ അനുകരിക്കുന്നത് യുവതലമുറ ഒഴിവാക്കണമെന്ന് കെ.മുരളീധരൻ എം പി. പൊയിലൂരിൽ സംഘടിപ്പിച്ച പാനൂർ മേഖലാ കലാകാര സംഗമവും, കലയരങ്ങും ഉദ്ഘാടനം ചെയ്ത് സംസാരിക്കുകയായിരുന്നു എം പി  വിദേശ സംസ്കാരത്തെ അവർ തന്നെ തള്ളിക്കളഞ്ഞതാണ്.

Also read: പാരിസ് ഒളിമ്പിക്സിനുള്ള മലയാളി താരങ്ങൾക്ക് 5 ലക്ഷം വീതം

അതാണിപ്പോൾ നമ്മൾ അനുകരിക്കുന്നത്. നാടൻ കലകളും, കലാകാരന്മാരും പ്രോത്സാഹിപ്പിക്കപ്പെടേണ്ടത് നാടിൻ്റെ ആവശ്യമാണെന്നും എം പി പറഞ്ഞു. സ്വാഗത സംഘം ചെയർമാൻ കെ.സി കുഞ്ഞിക്കണ്ണൻ മാസ്റ്റർ അധ്യക്ഷനായി. കേരള ഫോക് ലോർ പ്രോഗ്രാം ഓഫീസർ പി.വി ലവ് ലിൻ മുഖ്യാതിഥിയായി. വാർഡംഗങ്ങളായ നാണു ചാകേരി, ടി.കെ ശങ്കരൻ, ബാലൻ കൊള്ളുമ്മൽ, സംഘാടക സമിതി അംഗം പി.പുരുഷോത്തമൻ, പി.ലിജീഷ്, വി.വിപിൻ, പി.പി പവിത്രൻ, എ.കെ ഭാസ്ക്കരൻ, വി.പി മനോജ്, അബൂബക്കർ എന്നിവർ സംസാരിച്ചു. സ്വാഗത സംഘം സെക്രട്ടറി സി.സി സുരേന്ദ്രൻ സ്വാഗതവും, കെ.സി ചന്ദ്രൻ നന്ദിയും പറഞ്ഞു. കേരള ഫോക് ലോർ അക്കാദമിയുടെയും, സംസ്കാര നാടൻ കലാവേദിയുടെയും, കലാകാര ക്ഷേമസമിതിയുടെയും സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്. സി.സി സുൻസി വരച്ച കെ.മുരളിധരൻ എംപിയുടെ ചിത്രം ചടങ്ങിൽ കൈമാറി. ആദരായനവും നടന്നു.

Muraleedharanmp