പട്ടുവത്ത് വീണ്ടും തെരുവുനായ്ക്കളുടെ അതിക്രമം .കഴിഞ്ഞ ദിവസം പട്ടുവത്തെ കൊടിയിൽ അബ്ബാസിന്റെ 8 കോഴികളെ കൊന്നൊടുക്കിയിരുന്നു. അബ്ബാസിൻ്റെ ബാക്കിയുള്ള 12 കോഴികളെയാണ് ഇപ്പോൾ കൊന്നൊടുക്കിയിരിക്കുന്നത്. പട്ടുവം ഗ്രാമപഞ്ചായത്തിലെ വിവിധ പ്രദേശങ്ങളിൽ തെരുവുനായക്കളുടെ വിളയാട്ടം രൂക്ഷമായിരിക്കുകയാണ്. കഴിഞ്ഞ ദിവസം എട്ട് കോഴികളെ കൊന്നൊടുക്കിയ തെരുവുനായക്കൂട്ടം ഒരാടിനെ അക്രമിച്ച് മാരകമായി പരുക്കേൽപ്പിക്കുകയും ചെയ്തിരുന്നു.
പട്ടുവം കടവിലെ കൊടിയിൽ അബ്ബാസിന്റെ 8 മുട്ടക്കോഴികളെയാണ് കഴിഞ്ഞ ദിവസം തെരുവ് നായക്കൂട്ടം കടിച്ചു കൊന്നത്. ഇപ്പോൾ ശേഷിക്കുന്ന 12 ഓളം കോഴികളെയും തെരുവുനായകൾ കൊന്നൊടുക്കിയിരിക്കുകയാണ്. കോഴികളുടെ ശബ്ദം കേട്ടുണർന്ന വീട്ടുകാർ കോഴിക്കൂടിനു സമീപത്തെത്തിയപ്പോൾ ആറോളം തെരുവുനായ്ക്കൾ ചേർന്ന് മൂന്ന് കോഴികളെ കടിച്ചു കൊന്ന് കൊണ്ടുപോകുന്നതാണ് കണ്ടത്.
ഒൻപത് കോഴികളെ കൂടിനു സമീപത്ത് തന്നെ കൊന്നിട്ടിരുന്നു. കോഴിക്കൂട് തകർത്താണ് നായ്ക്കൾ അകത്തു കയറിയതെന്ന് അബ്ബാസ് പറഞ്ഞു. തെരുവു നായകളുടെ അക്രമങ്ങളിൽ നിന്നും വളർത്തുമൃഗങ്ങളെ രക്ഷിക്കാൻ അടിയന്തര നടപടി സ്വീകരിക്കണമെന്ന ആവശ്യം ശക്തമായി.
Stray dogs again in Pattuvath