മാനന്തവാടി:മാനന്തവാടി നഗരത്തില്‍ നടക്കുന്ന മലയോര ഹൈവേയുടെ പ്രവര്‍ത്തിയിലെ വേഗത കുറവുമായി ബന്ധപ്പെട്ട് വാട്ടര്‍ അതോറിട്ടി ഉള്‍പ്പെടെയുള്ളവര്‍ക്ക് നോട്ടീസ് അയക്കാന്‍ താലൂക്ക് ലീഗല്‍ സര്‍വ്വീസ് അതോറിട്ടി ചെയര്‍മാനും ജില്ലാ സ്‌പെഷല്‍ ജഡ്ജിയുമായ പി.ടി. പ്രകാശന്‍ ഉത്തരവിട്ടു. ഇന്ന് നടന്ന ഹിയറിംഗിലായിരുന്നു നോട്ടീസ് അയക്കാന്‍ തീരുമാനമായത്. റോഡ് പണിയിലെ മെല്ലെ പോക്ക് സംബന്ധിച്ച് മാനന്തവാടിയിലെ പൊതുപ്രവര്‍ത്തകന്‍ അഡ്വ.ടി.മണി നല്‍കിയ പരാതിയില്‍ ഇന്ന് നടന്ന ഹിയറിംഗിലാണ് വിവിധ വകുപ്പുകള്‍ക്ക് നോട്ടീസ് അയക്കാന്‍ ഉത്തരവിട്ടത്. കേരള റോഡ് ഫണ്ട് അതോറിട്ടി, കെ.എസ്.ഇ.ബി, വാട്ടര്‍ അതോറിട്ടി, സബ് കലക്ടര്‍, ജില്ലാ പോലീസ് മേധാവി എന്നിവര്‍ക്കാണ് നോട്ടീസ് അയക്കാന്‍ തീരുമാനിച്ചത്.
അഡ്വ: ടി.മണി നല്‍കിയ ഹര്‍ജിയില്‍ മര്‍ച്ചന്റ് അസോസിയേഷനും മാനന്തവാടി ഡവലപ്മെന്റ് മൂവ്മെന്റും കക്ഷി ചേര്‍ന്നിട്ടുണ്ട്. നഗരത്തിലെത്തുന്ന യാത്രകര്‍ക്ക് സുരക്ഷിതത്വവും ടൗണിലെ കച്ചവടക്കാര്‍ക്ക് ബദ്ധിമുട്ടില്ലാത്ത രീതിയില്‍ സമയബന്ധിതമായി നഗരത്തി റോഡ് പണി പൂര്‍ത്തീകരിക്കണമെന്നും ജഡ്ജി കരാറുകാര്‍ക്ക് നിര്‍ദ്ദേശം നല്‍കി. കേസ് വീണ്ടും ഈ മാസം 15 ന് പരിഗണിക്കും.
Slow pace of construction work; Taluk Legal Services Authority intervened
