കണ്ണൂർ : ചിന്മയ വിദ്യാലയത്തിൻ്റെ മുൻ പ്രിൻസിപ്പലും, അക്കാദമിക് ഡയരക്ടറുമായ സുഗീത രാജൻ്റെ നിര്യാണത്തിൽ ഡിസിസി പ്രസിഡണ്ട് അഡ്വ. മാർട്ടിൻ ജോർജ്ജ് അനുശോചിച്ചു .
സി ബി എസ് ഇ യുടെ മികച്ച അധ്യാപിക അവാർഡും , മികച്ച അധ്യാപികയ്ക്കുള്ള ദേശീയ പുരസ്ക്കാരവും കരസ്ഥമാക്കിയ സുഗീത ടീച്ചർ കണ്ണൂറിന്റെ വിദ്യാഭ്യാസ പൊതു രംഗങ്ങളിൽ എന്നും മുൻപന്തിയിലുണ്ടായിരുന്നു . തൻ്റെ 39 വർഷത്തെ സേവനം കൊണ്ട് സാമൂഹ്യ ബോധമുള്ള അച്ചടക്കമുള്ള ഒരു തലമുറയെ വാർത്തെടുക്കുന്നതിൽ ടീച്ചർക്കുള്ള പങ്ക് നിസ്തുലമാണ് .
സുഗീത രാജൻ ടീച്ചറുടെ വിയോഗം നികത്താനാവാത്ത നഷ്ടമാണ് കണ്ണൂരിന് നൽകിയതെന്ന് അദ്ദേഹം അനുശോചന സന്ദേശത്തിൽ പറഞ്ഞു.
ചിന്മയ ബാലഭവനിൽ പൊതു ദർശനത്തിനു വെച്ചപ്പോൾ ജില്ലാ കോൺഗ്രസ്സ് കമ്മിറ്റിക്ക് വേണ്ടി ഡിസിസി പ്രസിഡണ്ട് മാർട്ടിൻ ജോർജ്ജും , കെ സുധാകരൻ എം പി ക്ക് വേണ്ടി രാജീവൻ എളയാവൂരും റീത്ത് സമർപ്പിച്ചു .നേതാക്കളായ ടി ഒ മോഹനൻ , കെ പ്രമോദ് , എം കെ മോഹനൻ , കെ സി ഗണേശൻ എന്നിവർ കൂടെയുണ്ടായിരുന്നു.
Sugeetharajen