വെള്ളമുണ്ട: പബ്ലിക് ലൈബ്രറി വെള്ളമുണ്ടയുടെ ആഭിമുഖ്യത്തില്‍ സംഘടിപ്പിച്ച യുവജന സംഗമം വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു.
യുവജനങ്ങൾക്കായി സംഘടിപ്പിച്ച ലഹരി വിരുദ്ധ ബോധവത്കരണ ക്ലാസ്സിനു ഫാദർ ബാബു വർഗീസ് നേതൃത്വം നൽകി. ലൈബ്രറി പ്രസിഡന്റ്‌ എം. മോഹനകൃഷ്ണൻ അധ്യക്ഷത വഹിച്ചു.
സെക്രട്ടറി എം സുധാകരൻ, എം. മണികണ്ഠൻ, മിഥുൻ മുണ്ടക്കൽ, എം നാരായണ ൻ എന്നിവർ സംസാരിച്ചു.
.jpeg)
വെള്ളമുണ്ട പബ്ലിക് ലൈബ്രറിയുടെ യുവതാ ക്ലബ്ബിന്റെ പുതിയ പ്രസിഡന്റായി ഷമീം വെട്ടൻ, സെക്രട്ടറിയായി വിവേക് മോഹൻ തുടങ്ങിയവരെ തിരഞ്ഞെടുത്തു. സാമൂഹ്യതിന്മകള്‍ അരങ്ങു വാഴുമ്പോൾ യുവത നിശ്ശബ്‌ദരാകരുതെന്ന് ഉദ്ഘാടന പ്രസംഗത്തിൽ ജുനൈദ് കൈപ്പാണി പറഞ്ഞു.
സമകാലിക യൗവനത്തിന്റെ ആപല്‍ക്കരമായ അധാര്‍മിക പ്രവണതകളോടും നിര്‍ലജ്ജമായ നിസ്സംഗതയോടുമുള്ള പ്രതിഷേധവും തിന്മകള്‍ക്കെതിരെയുള്ള താക്കീതുമായി മാറാൻ യുവതാ ക്ലബ്ബുകൾപോലുള്ളവയുടെ പ്രവർത്തനം ക്രമപ്പെടണമെന്നും അദ്ദേഹം പറഞ്ഞു.
മംഗള്‍യാന്‍ ചരിത്ര ദൗത്യം വരെ ഏറ്റെടുത്ത ഇക്കാലത്ത്‌ ശാസ്‌ത്രവും സാങ്കേതിക വിദ്യയും സ്വപ്‌നാതീത സീമകളിലേക്ക്‌ കുതിച്ചുകൊണ്ടിരിക്കുകയാണ്‌. എന്നാല്‍ സംസ്‌കാരത്തിന്റെയും സദാചാരത്തിന്റെയും ധാര്‍മികതയുടെയും മൂല്യബോധത്തിന്റെയും നൈതികതയുടെയും സൂചിക എതിര്‍ദിശയിലേക്കാണോ സഞ്ചരിക്കുന്നതെന്ന് പുന പരിശോധനക്ക് വിധേയമാക്കേണ്ടതുണ്ട്.
കുറ്റകൃത്യങ്ങളുടെ വര്‍ധനവ്‌ സമൂഹ സുരക്ഷക്കും വ്യക്തിയുടെയും കുടുംബത്തിന്റെയും സ്വസ്ഥ ജീവിതത്തിനും ആരോഗ്യകരമായ രാഷ്‌ട്രീയ പുരോഗതിക്കും വലിയ തടസ്സമായി മാറിയിരിക്കുന്നു. കൊള്ളയും കൊലപാതകങ്ങളും ആത്മഹത്യകളും അനിയന്ത്രിതമായ അവസ്ഥയിലേക്ക്‌ മാറിയിരിക്കുന്നു.
ലൈംഗിക അതിക്രമങ്ങളും ചൂഷണങ്ങളും ലഹരി ഉപയോഗവും അസ്വാദനത്തിന്റെ അപകടകരമായ വഴികള്‍ തീര്‍ത്തുകൊണ്ടിരിക്കുന്നു. വിവാഹം, ദാമ്പത്യം, കുടുംബം തുടങ്ങിയ സാമൂഹ്യ സംവിധാനങ്ങള്‍ ചേതനയറ്റ്‌ കമ്പോളാധിഷ്‌ഠിത ഉല്‌പന്നങ്ങളുടെ ഗണത്തിലേക്ക്‌ ചേക്കേറിയിരിക്കുന്നു. ഇത്തരം ഒരു ആപത്ഘട്ടത്തിൽ യുവത ജാഗ്രത പുലർത്തണമെന്നും ജുനൈദ് കൈപ്പാണി അഭിപ്രായപ്പെട്ടു.
Publiclibrerygathering
.jpeg)
.jpeg)
.JPG)
