ബത്തേരി: സുൽത്താൻ ബത്തേരി പൊൻകുഴി ഭാഗത്ത് വാഹന പരിശോധനക്കിടെ KL 11 BQ 4573 രജിസ്റ്റർ നമ്പർ ബുള്ളറ്റ് മോട്ടോർ സൈക്കിളിൽ യാത്ര ചെയ്തു വന്നിരുന്ന കോഴിക്കോട് പന്നിയങ്കര പുളിക്കൽ പാടം സി.പി. വീട്ടിൽ സി.പി. റഷീദ് ( 34), ആണ് പിടിയിലായത്. ഇയാളുടെ കൈവശത്തുനിന്നും 54.528 ഗ്രാം എം.ഡി.എം .എ വയനാട് എക്സൈസ് സ്പെഷ്യൽ സ്ക്വാഡിലെ സർക്കിൾ ഇൻസ്പെക്ടർ ടി.ആർ. ഹരിനന്ദനനും പാർട്ടിയും ചേർന്ന് പിടിച്ചെടുത്ത് എൻഡിപിഎസ് വകുപ്പ് പ്രകാരം കേസ് രജിസ്റ്റർ ചെയ്തു .
കോഴിക്കോട് ടൗണിൽ വില്പനക്കായി ബാംഗ്ലൂരിൽ നിന്നും കടത്തിക്കൊണ്ടു വരികയായിരുന്നു പിടിച്ചെടുത്ത എംഡിഎംഎ എന്ന് അന്വേഷണത്തിൽ അറിവായി .
10 വർഷത്തിന് മുകളിൽ ശിക്ഷ ലഭിക്കാവുന്ന കുറ്റമാണ് ഇത്. പ്രതിയെ :സുൽത്താൻ ബത്തേരി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് - 1 കോടതിയിൽ ഹാജരാക്കി. പാർട്ടിയിൽ പ്രിവന്റീവ് ഓഫീസർ പി.എസ്. വിനീഷ്, സിവിൽ എക്സൈസ് ഓഫീസർമാരായ രഘു , ബിനുമോൻ ,ജലജ , ഷാനിയ, ഡ്രൈവർ അൻവർ എന്നിവർ ഉണ്ടായിരുന്നു. മുത്തങ്ങയിൽ രാവിലെ പോലിസ് 492 എം -ഡി.എം.എ.യുമായി മൂന്ന് യുവാക്കളെ പിടികൂടിയിരുന്നു.
Drug hunt again: Excise Special Squad nabs youth with MDMA.
