കൊട്ടിയൂർ ഐ ജെ എം ഹയർ സെക്കൻഡറി സ്കൂളിൽ വിജയോത്സവം സംഘടിപ്പിച്ചു.

കൊട്ടിയൂർ: കൊട്ടിയൂർ ഐ ജെ എം ഹയർ സെക്കൻഡറി സ്കൂളിൽ 2022-23 അധ്യയന വർഷം എസ് എസ് എൽ സി പരീക്ഷയിൽ ഉന്നത വിജയം നേടിയ വിദ്യാർത്ഥികളെ വിജയോത്സവത്തിൽ അനുമോദിച്ചു. സ്കൂൾ ഹെഡ്മാസ്റ്റർ ശ്രീ വർഗീസ് കെ സ്വാഗതം ആശംസിച്ച ചടങ്ങിൽ സ്കൂൾ മാനേജർ ഫാ.സജി പുഞ്ചയിൽ അധ്യക്ഷത സ്ഥാനം വഹിച്ചു. പേരാവൂർ നിയോജക മണ്ഡലം എം.എൽ.എ അഡ്വ.സണ്ണി ജോസഫ് തിരിതെളിയിച്ച് ഉദ്ഘാടന കർമ്മം നിർവഹിച്ചു. ചടങ്ങിൽ മുഴുവൻ വിഷയങ്ങൾക്കും എ പ്ലസ് ഗ്രേഡ് നേടിയ വിജയികളെ കണ്ണൂർ ജില്ലാ പഞ്ചായത്ത് മെമ്പർ ജൂബിലി ചാക്കോയും, 9 വിഷയങ്ങൾക്ക് എ പ്ലസ് ഗ്രേഡ് നേടിയ വിജയികളെ കൊട്ടിയൂർ ഗ്രാമപഞ്ചായത്ത് പ്രസിഡന്റ് റോയി നമ്പുടാകവും ഉപഹാരം നൽകി ആദരിച്ചു. പ്രതിഭാ സംഗമത്തിൽ നാഷണൽ മീൻസ് കം മെറിറ്റ് സ്കോളർഷിപ്പ് ജേതാവ് അലൻ ജിഷി ക്ക് കൊട്ടിയൂർ ഗ്രാമപഞ്ചായത്ത് മെമ്പർ ജെസ്സി ഉറുമ്പിൽ ഉപഹാരം സമർപ്പിച്ചു.പ്രിൻസിപ്പൽ മാത്യു എം എ സ്കൂൾ ഡയറിയുടെ പ്രകാശനം നിർവഹിച്ചു. മുൻ ഹെഡ്മാസ്റ്ററും ബത്തേരി അസംപ്ഷൻ ഹൈസ്കൂൾ ഹെഡ്മാസ്റ്ററുമായ ബിനു തോമസ് ലിറ്റിൽ കൈറ്റ്സ് പ്രസിദ്ധീകരിച്ച സ്കൂൾ ഡിജിറ്റൽ മാഗസിൻ പ്രകാശനം ചെയ്തു. തുടർന്ന് വിദ്യാർത്ഥികളുടെ കലാപരിപാടികളും അരങ്ങേറി.പി ടി എ പ്രസിഡന്റ് ശ്രീ സണ്ണി വരകിൽ,വിദ്യാർത്ഥി പ്രതിനിധി നിയ മരിയ ജെയ്സൺ, സ്റ്റാഫ് സെക്രട്ടറി സുനീഷ് പി ജോസ്, അധ്യാപകരായ ഷീബ തോമസ്, ജെയ്ബി ജോസ് എന്നിവർ സംസാരിച്ചു.

Vijayotsavam was organized at IJM Higher Secondary School, Kottiur.