---
title: "10000 ജീവനക്കാരെ ഉൾപ്പെടുത്തി പ്രമേഹ ദിന സന്ദേശ പ്രചാരണവുമായി ബ്രിഡ്ജ് വേ ഗ്രൂപ്പ് "
english_title: "Diabetes Day message campaign involving 10,000 employees - bridgeway group"
publisher: "malayorashabdam.in"
canonical_url: "https://malayorashabdam.truevisionnews.com/news/249547/diabetes-day-message-campaign-involving-10000-employees-bridgeway-group"
published_at: "2024-11-15T17:29:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67373878e8095_bridgeway_group.jpg"
keywords: []
---

# 10000 ജീവനക്കാരെ ഉൾപ്പെടുത്തി പ്രമേഹ ദിന സന്ദേശ പ്രചാരണവുമായി ബ്രിഡ്ജ് വേ ഗ്രൂപ്പ് 

> **Lead Summary:** കോഴിക്കോട്: പ്രമേഹരോഗ പ്രതിരോധത്തിന്റെ ഭാഗമായി പ്രമേഹ രോഗത്തെക്കുറിച്ച് അവബോധം ഉണർത്താനായി ബ്രിഡ്‍ജ് വേ ഗ്രൂപ്പിന്റെ കേരളത്തിലെ 10000-ലേറെ ജീവനക്കാർ ഒരേ സമയം പ്രതിജ്ഞയെടുക്കുകയും ഷുഗർ ഫ്രീ ഡേ ആഘോഷിക്കുകയും ചെയ്തു. മിഡില്‍ ഈസ്റ്റ് ആസ്ഥാനമായി പ്രവർത്തിക്കുന്ന പ്രമുഖ ബിസിനസ് ഗ്രൂപ്പ് ആണ് ബ്രിഡ്ജ്‌വേ.യുഎഇ, ഇന്ത്യ, ആഫ്രിക്ക എന്നിവിടങ്ങളിലെ ബ്രിഡ്ജ് വേ ഗ്രൂപ്പിന്റെ എല്ലാ യൂണിറ്റുകളിലും ഈ ദിവസം പഞ്ചസാരയുടെ ഉപയോഗം ഒഴിവാക്കുകയും ആരോഗ്യ മാർഗങ്ങളിൽ കൂടുതൽ ശ്രദ്ധ കേന്ദ്രീകരിക്കുകയും ചെയ്യുന്നതായി പ്രതിജ്ഞ ചെയിതു. പ്രമേഹത്തിന് കാരണമാകുന്ന ഭക്ഷണ ശീലം പൂർണമായി ഒഴിവാക്കിയാണ് ബ്രിഡ്ജ് വേ മാതൃകയാകുന്നത്.

## Article Content

കോഴിക്കോട്: പ്രമേഹരോഗ പ്രതിരോധത്തിന്റെ ഭാഗമായി പ്രമേഹ രോഗത്തെക്കുറിച്ച് അവബോധം ഉണർത്താനായി ബ്രിഡ്‍ജ് വേ ഗ്രൂപ്പിന്റെ കേരളത്തിലെ 10000-ലേറെ ജീവനക്കാർ ഒരേ സമയം പ്രതിജ്ഞയെടുക്കുകയും ഷുഗർ ഫ്രീ ഡേ ആഘോഷിക്കുകയും ചെയ്തു. മിഡില്‍ ഈസ്റ്റ് ആസ്ഥാനമായി പ്രവർത്തിക്കുന്ന പ്രമുഖ ബിസിനസ് ഗ്രൂപ്പ് ആണ് ബ്രിഡ്ജ്‌വേ.യുഎഇ, ഇന്ത്യ, ആഫ്രിക്ക എന്നിവിടങ്ങളിലെ ബ്രിഡ്ജ് വേ ഗ്രൂപ്പിന്റെ എല്ലാ യൂണിറ്റുകളിലും ഈ ദിവസം പഞ്ചസാരയുടെ ഉപയോഗം ഒഴിവാക്കുകയും ആരോഗ്യ മാർഗങ്ങളിൽ കൂടുതൽ ശ്രദ്ധ കേന്ദ്രീകരിക്കുകയും ചെയ്യുന്നതായി പ്രതിജ്ഞ ചെയിതു. പ്രമേഹത്തിന് കാരണമാകുന്ന ഭക്ഷണ ശീലം പൂർണമായി ഒഴിവാക്കിയാണ് ബ്രിഡ്ജ് വേ മാതൃകയാകുന്നത്.

> "നന്നായി ഭക്ഷണം കഴിക്കാനും പതിവായി വ്യായാമം ചെയ്യാനും പഞ്ചസാരയുടെ ഉപയോഗം ഒഴിവാക്കുവാനും ബോധപൂർവ്വമായ തിരഞ്ഞെടുപ്പുകൾ നടത്തി എന്റെ ആരോഗ്യത്തിന്റെ ചുമതല ഏറ്റെടുക്കാൻ ഞാൻ പ്രതിജ്ഞാബദ്ധരാണ്" എന്നാണ് 10000-ത്തിലേറെപ്പേർ ഒരേ സമയം പ്രതിജ്ഞ ചെയ്തത്.

ജീവനക്കാരിലും അവരുടെ കുടുംബാംഗങ്ങളിലും സുഹൃത്തുക്കളിലും ആരോഗ്യകരമായ ജീവിതശൈലി പിന്തുടരാൻ പ്രേരിപ്പിക്കുകയും കൂടാതെ സമൂഹത്തിൽ പ്രമേഹ രോഗത്തെക്കുറിച്ച് അവബോധം ഉണർത്തി ആരോഗ്യകരമായ നാളേയുടെ പ്രാധാന്യം ഉയർത്തിക്കാട്ടുകയുമാണ് ബ്രിഡ്ജ് ഗ്രൂപ്പിന്റെ ലക്ഷ്യം.

### Related Links & Sources
- [Original Story Source](https://malayorashabdam.truevisionnews.com/news/249547/diabetes-day-message-campaign-involving-10000-employees-bridgeway-group)