ഇരിട്ടി : മാടത്തിയിൽ എൽ പി സ്കൂൾ എഴുപത്തിയഞ്ചാം വാർഷികാഘോഷത്തിൻ്റെ ഭാഗമായി പ്ലാറ്റിനം ജൂബിലി പ്രഖ്യാപന സംഗമം പായം ഗ്രാമ പഞ്ചായത്ത് പ്രസിഡണ്ട് പി രജനി ഉദ്ഘാടനം ചെയ്തു. പായം ഗ്രാമ പഞ്ചായത്ത് മെമ്പർ പി സാജിത് അധ്യക്ഷത വഹിച്ചു. 2025 ഫെബ്രുവരി 25 ചൊവ്വാഴ്ച വൈകുന്നേരം 4 മണി മുതൽ പ്ലാറ്റിനം ജൂബിലി സമാപന സമ്മേളനം വിപുലമായ രീതിയിൽ നടത്തുവാൻ തീരുമാനിച്ചു. മുന്നോടിയായി 2024 ഡിസംബർ 26 ന് വ്യാഴാഴ്ച രാവിലെ 10 മണിക്ക് പൂർവ വിദ്യാർത്ഥി സംഗമവും 2025 ജനുവരി 11 ന് ശനിയാഴ്ച 4 മണിക്ക് വിളംബര ഘോഷ യാത്രയും സംഘടിപ്പിക്കുവാൻ തീരുമാനിച്ചു.
സ്കൂൾ മാനേജർ പി സി ചന്ദ്രമോഹനൻ, പ്രധാന അധ്യാപിക ചിന്താമണി കെ.കെ, പി.ടിഎ പ്രസിഡണ്ട് സജീഷ് കെ, കെ. രാമചന്ദ്രൻ മാസ്റ്റർ, പി.സി പോക്കർ, സി രൂപേഷ്, പി നൗഫൽ, ഷൗക്കത്തലി കെ, രേഷ്ന പി.കെ, വിൻസി വർഗ്ഗീസ്, അർച്ചന ദ്വിഭാഷ്, അമിത് ചന്ദ്ര, എന്നിവർ സംസാരിച്ചു. ജൂബിലി ആഘോഷ പരിപാടികളുടെ വിജയത്തിന് 101 അംഗ സംഘാടക സമിതിയും രൂപീകരിച്ചു.
രക്ഷാധികാരികൾ: അഡ്വ സണ്ണി ജോസഫ് എം എൽ എ, കെ.കെ ശൈലജ എം എൽ എ, അഡ്വ ബിനോയി കുര്യൻ (ജില്ലാ പഞ്ചായത്ത് വൈസ് പ്രസിഡണ്ട് ), കെ വേലായുധൻ (ബ്ലോക്ക് പഞ്ചായത്ത് പ്രസിഡണ്ട്), പി രജനി (പായം പഞ്ചായത്ത് പ്രസിഡണ്ട്), പി സി ചന്ദ്രമോഹനൻ (സ്കൂൾ മാനേജർ). സംഘാടക സമിതി ഭാരവാഹികൾ : പി. സാജിത് (മെമ്പർ പായം പഞ്ചായത്ത് (ചെയർമാൻ), സജീഷ് കെ പി ടി എ പ്രസിഡണ്ട് (വർക്കിംഗ് ചെയർമാൻ ) രൂപേഷ് സി നൗഫൽ, പി അർച്ചന ദ്വിഭാഷ്, കെ രാമചന്ദ്രൻ, പി സി പോക്കർ, ബിന്ദു അച്ചുതൻ (വൈസ് ചെയർമാൻമാർ), കെ.കെ ചിന്താമണി എഛ് എം ( ജനറൽ കൺവീനർ), ഷൗക്കത്തലി കെ (വർക്കിംഗ് കൺവീനർ), വിൻസി വർഗ്ഗീസ്, അമിത് ചന്ദ്ര, അഞ്ജന, വി വി ബിജില, കെ ഷഫീന, രാധിക (ജോ കൺവീനർമാർ), രേഷ്ന പി.കെ (ട്രഷറർ). വിവിധ സബ് കമ്മറ്റികളും രൂപീകരിച്ചു.
LP School Platinum Jubilee In Madathi
