ഇരിട്ടി: വന്യജീവി അക്രമത്തിനും കാർഷിക മേഖലയിലെ തകർച്ചക്കും പരിഹാരം കാണണമെന്നാവശ്യപ്പെട്ട് പ്രതിപക്ഷ നേതാവ് വി.ഡി. സതീശൻ നയിക്കുന്ന മലയോര സമര യാത്രക്ക് നാളെ (27ന് ) പേരാവൂർ നിയോജക മണ്ഡലത്തിൽ രണ്ട് കേന്ദ്രങ്ങളിൽ സ്വീകരണം നൽകും. ഉച്ചക്ക് 2 ന് കീഴ്പള്ളിയിലും 4 ന് കൊട്ടിയൂർ നീണ്ടു നോക്കിയിലുമാണ് സ്വീകരണം. കീഴ്പള്ളിയിൽ എഐസിസി വർക്കിംങ് കമ്മിറ്റി അംഗം രമേശ് ചെന്നിത്തലയും കൊട്ടിയൂരിൽ എഐസിസി സെക്രട്ടറി റോജി എം ജോണും ഉദ്ഘാടനം ചെയ്യും.
യു ഡി എഫ് സംസ്ഥാന നേതാക്കൾ പങ്കെടുക്കും വന്യജീവി ആക്രമണം തടയുന്നതിൽ കേന്ദ്ര- സംസ്ഥാന സർക്കാറുകൾ പരാജയപ്പെട്ടതായി യു ഡി എഫ് നേതാക്കൾ വാർത്ത സമ്മേളനത്തിൽ പറഞ്ഞു. സണ്ണി ജോസഫ് എം എൽ എ , കെ. വേലായുധൻ, പി.കെ. ജനാർദ്ദനൻ, ഇബ്രാഹിംമുണ്ടേരി, പി.എ. നസീർ ,തോമസ് തയ്യിൽ, ജിമ്മി അന്തിനാട്ട്, കെ.പി. ഷാജി തുടങ്ങിയവർ പങ്കെടുത്തു
A reception will be given at Keezhappally and Kottiyoor tomorrow
