കൂത്തുപറമ്പ്: വളർന്നുവരുന്ന വിദ്യാർത്ഥി ഗവേഷകർക്ക് വേണ്ടി ഫൈകോൺ-2025 എന്ന പേരിൽ സംഘടിപ്പിക്കുന്ന ഫിസിക്സ് കോൺഫറൻസിന് ആതിഥേയത്വം വഹിച്ചു ചരിത്രം രചിക്കാൻ ഒരുങ്ങുകയാണ് നിർമലഗിരി കോളേജ്. ബിരുദാനന്തര ബിരുദ വിദ്യാർഥികൾക്ക് വേണ്ടി മാത്രം സംഘടിപ്പിക്കുന്ന ഈ കോൺഫറൻസ് വിദ്യാർത്ഥികൾക്ക് തങ്ങളുടെ ഗവേഷണ പ്രബന്ധങ്ങൾ അവതരിപ്പിക്കുവാനുള്ള വേദിയാണ്. ഗവേഷകർക്ക് വേണ്ടി കോൺഫറൻസുകൾ നിരവധി നടക്കാറുണ്ട് എങ്കിലും വിദ്യാർഥികൾക്ക് വേണ്ടി ആദ്യമായാണ് ഇത്തരമൊരു കോൺഫറൻസ് കേരളത്തിൽ സംഘടിപ്പിക്കപ്പെടുന്നത് എന്ന് സംഘാടകസമിതി അറിയിച്ചു.
കണ്ണൂർ സർവകലാശാലയുടെയും, സർവ്വകലാശാലയിലെ വിവിധ അഫീലിയേറ്റഡ് കോളേജുകളിലെ ഫിസിക്സ് വിഭാഗങ്ങളുടെയും സംയുക്ത ആഭിമുഖ്യത്തിലാണ് 2025 മെയ് 30നു നിർമലഗിരി കോളേജിൽ വച്ചു കോൺഫറൻസ് സംഘടിപ്പിക്കുന്നത്. ഫിസിക്സ് വിദ്യാർത്ഥികൾക്കായി ഗവേഷണ പ്രബന്ധ അവതരണങ്ങൾ, പോസ്റ്റർ സെഷനുകൾ, ഇന്ററാക്ടീവ് വർക്ക്ഷോപ്പുകൾ എന്നിവ ഇതിൽ ഉൾപ്പെടും.
കൂടുതൽ വിവരങ്ങൾക്കും രജിസ്ട്രേഷൻ വിശദാംശങ്ങൾക്കും താൽപ്പര്യമുള്ളവർക്ക് [email protected] എന്ന വിലാസത്തിൽ സംഘാടക സമിതിയുമായി ബന്ധപ്പെടാവുന്നതാണ്.
Koothuparamba
