തലശ്ശേരി :നോർത്ത് മലബാർ ചേംബർ ഓഫ് കോമേഴ്സ് തലശ്ശേരി ചാപ്റ്ററിന്റെയും കൂത്തുപറമ്പ് വൺ അപ് ലേണിങ് സെൻ്ററിൻ്റെയും ആഭിമുഖ്യത്തിൽ എസ്എസ്എൽസി പരീക്ഷയിൽ ഉന്നത വിജയം നേടിയ വിദ്യാർത്ഥികളെമെയ് 26ന് അനുമോദിക്കുന്നു.
മുഴുവൻ വിഷയങ്ങളിലും എപ്ലസും ഒൻപതു വിഷയങ്ങളിൽ എ പ്ലസും ലഭിച്ച വിദ്യാർത്ഥികൾക്കാണ് ആദരം നൽകുന്നത് എന്ന് ഭാരവാഹികൾ വാർത്ത സമ്മേളനത്തിൽ അറിയിച്ചു. സയൻസ് വിഷയം പഠിക്കാൻ ആഗ്രഹിക്കുന്ന വിദ്യാർത്ഥികളെ കണ്ടെത്തി സ്കോളർഷിപ്പോടെ എൻട്രൻസ് പരിശീലനവും തിരുവനന്തപുരത്ത് വെച്ച് നടക്കുന്ന ഉപരിപഠന സെമിനാറിൽ പങ്കെടുക്കാനുള്ള അവസരവും നൽകും.
തിരുവനന്തപുരത്തേക്ക് വിമാനയാത്ര ഉൾപ്പെടെ സൗജന്യമായാണ് ഒരുക്കുന്നത്. പരിപാടി 26ന് കാലത്ത് 10 മണിക്ക് കൂത്തുപറമ്പ് തലശ്ശേരി എന്നിവിടങ്ങളിലെ വൺ അപ് ലേണിങ്ങ് സെൻ്ററിൽ വച്ച് നടക്കും വാർത്താ സമ്മേളനത്തിൽ നോർത്ത് മലബാർ ചേംബർ ഓഫ് കോമേഴ്സ് തലശ്ശേരി ചാപ്റ്റർ ചെയർമാൻ ആർ ബാബുരാജ്, കൺവീനർ പ്രദീപ് പ്രതിഭ, ഡയറക്ടർ അസ്ലം മെഡിനോവ ,വൺ അപ് ലേണിങ്ങ് സെൻറർ മാനേജിംഗ് ഡയറക്ടർ മനോജ് കുമാർ വി.കെ. ഷീലാ പാണ്ട്യാല തുടങ്ങിയവർ പങ്കെടുത്തു.
Thalassery