ഇരിട്ടി: സിപിഐ കിസാൻ സഭ പ്രതിനിധി സംഘം അയ്യൻകുന്ന് പാറക്കാമലയിൽ മണ്ണിടിഞ്ഞ പ്രദേശം സന്ദർശിച്ചു. അയ്യൻകുന്ന് പഞ്ചായത്തിലെ പാറക്കാമലയിൽ ഉണ്ടായത് മനുഷ്യ നിർമ്മിത ദുരന്തമാണെന്നും കുറ്റക്കാർക്കെതിരെ കർശന നടപടി സ്വീകരിക്കണമെന്നും പ്രതിനിധിസംഘം പറഞ്ഞു. എട്ടോളം വീടുകൾ അപകട ഭീക്ഷണി നേരിടുകയാണ് ഈ കുടുംബങ്ങളെ സ്ഥിരമായി മാറ്റി പാർപ്പിക്കാൻ അടിയന്തിര നടപടി സ്വീകരിക്കേണ്ടതുണ്ടെന്നും മണ്ണിടിച്ചൽ ഭീക്ഷണി നേരിടുന്ന കൃഷിയിടങ്ങൾ സർക്കാർ ഏറ്റെടുത്ത് കർഷകർക്ക് ന്യായമായ നഷ്ടപരിഹാരം നൽകണമെന്നും സ്ഥലം സന്ദർശിച്ച സി പി ഐ - കിസാൻ സഭ പ്രതിനിധിസംഘം പറഞ്ഞു. സി പി ഐ മണ്ഡലം സെക്രട്ടറി പായം ബാബുരാജ്, കിസാൻ സഭ മണ്ഡലം സെക്രട്ടറി ശങ്കർ സ്റ്റാലിൻ, സി പി ഐ അയ്യൻ കുന്ന് ലോക്കൽ സെക്രട്ടറി കെ.പി ബാബു, നേതാക്കളായ എൻ വി രവീന്ദ്രൻ, കെ.ബി.ഉത്തമൻ എന്നിവരടങ്ങിയ സംഘമാണ് സ്ഥലം സന്ദർശിച്ചത്. റവന്യ മന്ത്രിക്കും ജില്ലാ കലക്ട്ടർക്കും ബന്ധപ്പെട്ട മറ്റ് അധികാരികൾക്കും പരാതി നൽകുമെന്നും നേതാക്കൾ അറിയിച്ചു.
landslide site at Parakkamala in Ayyankunnu.