.jpeg)
കണ്ണൂര്‍: എട്ടുദിവസമായി കണ്ണൂര്‍ കലക്ടറേറ്റ് മൈതാനിയില്‍ നടന്നുവരുന്ന കണ്ണൂര്‍ ദസറയുടെ സമാപന സമ്മേളനം ചൊവ്വാഴ്ച വൈകീട്ട് 5.30ന് തദ്ദേശസ്വയംഭരണ എക്സൈസ് മന്ത്രി എം.ബി.രാജേഷ് ഉദ്ഘാടനം ചെയ്യും.
ഡോ. അബ്ദുസ്സമദ് സമദാനി എം.പി, ടി. പത്മനാഭന്‍, രാമചന്ദ്രന്‍ കടന്നപ്പള്ളി എം.എല്‍.എ, കെ.വി. സുമേഷ് എം.എല്‍.എ എന്നിവര്‍ മുഖ്യാതിഥികളായി പങ്കെടുക്കും. ഭരതനാട്യം, വെറൈറ്റി ഡാന്‍സ് എന്നിവക്ക്‌ ശേഷം അസ്‌ലം മുംബൈ അവതരിപ്പിക്കുന്ന ഗാനമേള എന്നിവയും നടക്കും.
വൈകീട്ട് 4.30ന് കലക്ടറേറ്റ് മൈതാനിയില്‍ കുടുംബശ്രീയുടെ നേതൃത്വത്തില്‍ 200ലധികം വനിതകള്‍ അണിനിരക്കുന്ന മെഗാ തിരുവാതിര അരങ്ങേറും.
Kannur Dussehra will end today
