തിരുവനന്തപുരം: തമിഴ്നാടിന് താകീതുമായി മന്ത്രി ഗണേഷ് കുമാർ. ടൂറിസ്റ്റ് ബസുകൾക്ക് നികുതി കൂട്ടിയ തമിഴ്നാട് സർക്കാരിന്റെ നടപടിക്കെതിരെയാണ് മന്ത്രിയുടെ മുന്നറിയിപ്പ്. അവിടെ 4000 വാങ്ങിയാൽ ഇവിടെയും നാലായിരം വാങ്ങിക്കും. ഇങ്ങോട്ട് ദ്രോഹിച്ചാൽ തിരികെ അങ്ങോട്ടും ദ്രോഹിക്കും. കേരള സർക്കാരുമായി കൂടിയാലോചിക്കാതെ തമിഴ്നാട് 4000 രൂപ ടാക്സ് വർദ്ധിപ്പിച്ചു. ശബരിമല സീസണാണ് വരുന്നതെന്ന് തമിഴ്നാട് ഓർക്കണം. തമിഴ്നാട്ടിൽ നിന്നാണ് ഏറ്റവും കൂടുതൽ ആൾക്കാർ ശബരിമലയിലേക്ക് വരുന്നതെന്നും ഗണേഷ് കുമാർ നിയമസഭയില് പറഞ്ഞു.
നികുതിയുടെ പേരില് കെഎസ്ആര്ടിസിയുടെ ബസുകൾ തമിഴ്നാട്ടില് പിടിച്ചിട്ടാല് അവരുടെ വാഹനങ്ങള് കേരളത്തിലും പിടിക്കും. യാതൊരു ആലോചനയും കൂടാതെയാണ് സീറ്റിന് 4000 രൂപ വീതം തമിഴ്നാട് സര്ക്കാര് വര്ധിപ്പിച്ചത്. രാജ്യം മുഴുവന് ഒരു നികുതി എന്നു കേന്ദ്രം പറയുമ്പോഴാണ് തമിഴ്നാടിന്റെ ഈ നടപടിയെന്നും ഗണേഷ്കുമാർ കുറ്റപ്പെടുത്തി
KB GANESHKUMAR