---
title: "ചെറുപുഴയിൽ പുലിയുടേതെന്നു  സംശയിക്കുന്ന കാൽപാദങ്ങൾ കണ്ടെന്ന് നാട്ടുകാർ"
english_title: "Tigerfootprint"
publisher: "malayorashabdam.in"
canonical_url: "https://malayorashabdam.truevisionnews.com/news/240373/tigerfootprint"
published_at: "2024-10-05T13:49:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6700f6a83acca_1000030193.jpg"
keywords: []
---

# ചെറുപുഴയിൽ പുലിയുടേതെന്നു  സംശയിക്കുന്ന കാൽപാദങ്ങൾ കണ്ടെന്ന് നാട്ടുകാർ

> **Lead Summary:**  **കണ്ണൂർ : **ജില്ലയിലെ ചെറുപുഴ പഞ്ചായത്തിലെ ചുണ്ടയിൽ പുലിയുടേതെന്ന് സംശയിക്കുന്ന രീതിയിൽ വന്യമൃഗത്തിന്റെ കാൽപാദങ്ങൾ കണ്ടെന്ന് നാട്ടുകാർ. കാര്യങ്കോട് പുഴയോട് ചേർന്ന് പ്രദേശത്താണ് നാലിഞ്ച് വീതിയും അഞ്ചിഞ്ച് നീളവുമുള്ള ആഴത്തിൽ പതിഞ്ഞ കാൽപ്പാടുകൾ ശ്രദ്ധയിൽപ്പെട്ടത്.

## Article Content

 **കണ്ണൂർ : **ജില്ലയിലെ ചെറുപുഴ പഞ്ചായത്തിലെ ചുണ്ടയിൽ പുലിയുടേതെന്ന് സംശയിക്കുന്ന രീതിയിൽ വന്യമൃഗത്തിന്റെ കാൽപാദങ്ങൾ കണ്ടെന്ന് നാട്ടുകാർ. കാര്യങ്കോട് പുഴയോട് ചേർന്ന് പ്രദേശത്താണ് നാലിഞ്ച് വീതിയും അഞ്ചിഞ്ച് നീളവുമുള്ള ആഴത്തിൽ പതിഞ്ഞ കാൽപ്പാടുകൾ ശ്രദ്ധയിൽപ്പെട്ടത്.

ചുണ്ടയ്ക്കും വാഴക്കുണ്ടത്തിനും ഇടയിലാണ് ഈ ഭാഗം. റബ്ബർ, തെങ്ങ്, കവുങ്ങ് തോട്ടങ്ങളും മറ്റ് കൃഷികളുമുള്ള ഈ പ്രദേശത്ത് പുഴയോട് ചേർന്ന് കൃഷിയില്ലാതെ ഏക്കറുകളോളം സ്ഥലം കാടുപിടിച്ച് കിടക്കുന്നുണ്ട്. രാത്രി പ്രദേശത്തെ നായകൾ കുരച്ച് ബഹളമുണ്ടാക്കിയതായും നാട്ടുകാർ അറിയിച്ചു. പഞ്ചായത്തംഗങ്ങളായ സിബി എം. തോമസ്, മാത്യു കാരിത്താങ്കൽ, രജിത സജി, സജിനി മോഹൻ എന്നിവർ സ്ഥലം സന്ദർശിച്ചു.

### Related Links & Sources
- [Original Story Source](https://malayorashabdam.truevisionnews.com/news/240373/tigerfootprint)