ഇരിട്ടി : പായം പഞ്ചായത്തിലെ മാടത്തിൽ ടൗണിലെ പ്രവർത്തിക്കുന്ന രാജീവന്റെ ഉടമസ്ഥതയിലുള്ള പലഹാര നിർമ്മാണ സ്ഥാപനത്തിലെ ജനറേറ്റർ പൊട്ടിത്തെറിച്ചു . ഞായറാഴ്ച രാവിലെ 11.15 ഓടെ ആയിരുന്നു ജനറേറ്റർ പൊട്ടിത്തെറിച്ചത്. ജെനറേറ്ററിന്റെ സൈലൻസറാണ് ഉഗ്രശബ്ദത്തോടെ പൊട്ടിത്തെറിച്ചത് . ശബ്ദം കേട്ട് ഓടിക്കൂടിയ നാട്ടുകാരും സ്ഥാപനത്തിലെ ജീവനക്കാരും ചേർന്ന് ജനറേറ്ററിലേക്ക് തീ പടരുന്നതിന് മുൻപുതന്നെ തീ നിയന്ത്രണ വിധേയമാക്കി . സംഭവം അറിഞ്ഞ് ഇരിട്ടിയിൽ നിന്നും അഗ്നിരക്ഷാ സേനയും സ്ഥലത്ത് എത്തി. അപകടത്തിൽ ആർക്കും പരിക്കേൽക്കാതെ അത്ഭുതകരമായി രക്ഷപ്പെടുക ആയിരുന്നു . സ്റ്റേഷൻ ഓഫീസർ ഉണ്ണികൃഷ്ണൻ ടി.വി, അസിസ്റ്റന്റ് സ്റ്റേഷൻ ഓഫീസർ ജോബി മാത്യു, ഫയർ ആന്റ് റെസ്ക്യൂ ഓഫീസർമാരായ അനീഷ് മാത്യു, അരുൺ കുമാർ , സി.വി. സൂരജ് , കെ. രാഹുൽ , ഹോം ഗാർഡുമാരായ കെ. രമേശൻ , എം.സി. രാധാകൃഷ്ണൻ , സിവിൽ ഡിഫൻസ് സേനാംഗങ്ങളായ ഡോളമി കുര്യാച്ചൻ , ജെസ്റ്റിൻ സജി, വിനീത് കുമാർ എന്നിവരടങ്ങുന്ന അഗ്നിരക്ഷാ സംഘമാണ് സംഭവസ്ഥലത്തെത്തിയത് .
Irittyjeneratorblast
.png)
.png)
